Voltar

Deportes

  • Portugal, fútbol e barberías

    Dise que Eusébio comeu durante 20 anos, día tras día, no mesmo restaurante lisboeta e colleu por hábito ir con bastante frecuencia á perruquería do Hotel Ritz. Alí fixo por forza amizade con João Besteiro, que lle cortou o pelo durante medio século

  • Adiante, Gwengamp!

    O En Avant naceu en 1912 da man de Pierre Deschamps, fundador tamén da Misión Laica Francesa, e consolidouse da man de sindicalistas, radicais de esquerdas e líderes locais da Internacional Obreira. As cores do traxe, negra e vermella, non lles son as mesmas que as dos anarquistas por casualidade, polo tanto.

  • A vaca de Quim Cambalhotas

    Joaquim Agostinho, o mellor ciclista portugués da historia, nunca perdeu de vista o tema agrícola. Unha vez, correndo en Francia, chamárono para dicirlle que lle roubaran vinte vacas. Alugou un avión privado e, entre etapa e etapa, voou a Torres Vedras para atopar o gando e ao maleante que llo mangara

  • 'Pitcher' Castro

    Polo visto o Comandante era un verdadeiro apaixonado do America's favourite pastime. Unha das invencións máis famosas que o relacionan co béisbol é o mito de que Fidel estivo a piques de converterse en profesional cun equipo estadounidense, cambiando deste xeito a historia do século XX.

  • "Ao noso derbi, no noso tren"

    O Ribadeo F.C. anima os seus afeccionados a desprazarse en tren ao partido que este domingo xogan en Viveiro, no derbi por excelencia da Mariña. "Porque o noso tren está pasando un mal momento e cremos que a mellor maneira de apoialo é dándolle uso, viaxando nel", destacan.

  • Unha Liga Ibérica de fútbol para 2019?

    O presidente do torneo profesional en Portugal confía en que se organice un campionato entre equipos españois e lusos que podería empezar a artellarse cun cuadrangular a finais desta tempada. Foi unha das ideas achegadas no acordo de colaboración asinado entre ambas competicións. 

  • Adri, o primeiro (e único) arqueiro cego de Galicia

    Participará esta fin de semana no campionato estatal cadete de tiro con arco. Cun 7% de visión no ollo esquerdo e un 3% no dereito, a federación tan só lle permite competir na categoría de exhibición. Monitores e familiares loitan para que os seus resultados se inclúan nas clasificacións oficiais