Deportes

Eis a explicación á imaxe misteriosa. Despois de días investigando chegou á conclusión de que a fotografía correspondía a unha comparsa de Entroido de 1925

Aproveito para pedirlles información: Quen son estas pioneiras do fútbol galego en Allariz? Que partido foi ese entre Celanova e Arnoia?

Os anarquistas, polo visto, despregaron un xogo vistoso e tan xovial coma as súas pintas; desgraciadamente, resultaron ser un conxunto brillante pero pouco organizado, afouto mais individualista en exceso

Dise que Eusébio comeu durante 20 anos, día tras día, no mesmo restaurante lisboeta e colleu por hábito ir con bastante frecuencia á perruquería do Hotel Ritz. Alí fixo por forza amizade con João Besteiro, que lle cortou o pelo durante medio século

Reagan desenvolvera unha memoria fotográfica para paliar unha miopía galopante; aínda que nunca vise un partido narraba o xogo de forma convincente e apaixonada

O En Avant naceu en 1912 da man de Pierre Deschamps, fundador tamén da Misión Laica Francesa, e consolidouse da man de sindicalistas, radicais de esquerdas e líderes locais da Internacional Obreira. As cores do traxe, negra e vermella, non lles son as mesmas que as dos anarquistas por casualidade, polo tanto.

Para min os locutores eran coma corresponsais en zona de guerra; imaxinen a emoción coa que vivín o primeiro partido radiado dende a grada da Marosa

O goberno da Deputación lucense colabora coa Federación Galega na celebración deste evento cunha achega de 3.000 euros para promover o deporte feminino. O partido encádrase no Campionato de España de seleccións autonómicas. 

Joaquim Agostinho, o mellor ciclista portugués da historia, nunca perdeu de vista o tema agrícola. Unha vez, correndo en Francia, chamárono para dicirlle que lle roubaran vinte vacas. Alugou un avión privado e, entre etapa e etapa, voou a Torres Vedras para atopar o gando e ao maleante que llo mangara

Polo visto o Comandante era un verdadeiro apaixonado do America's favourite pastime. Unha das invencións máis famosas que o relacionan co béisbol é o mito de que Fidel estivo a piques de converterse en profesional cun equipo estadounidense, cambiando deste xeito a historia do século XX.