Unha ducia de exposicións nas que meterse nunha fin de semana de temporal
Ademais das coleccións permanentes, museos de toda Galicia teñen estes días exposicións temporais sobre todo tipo de temáticas que poden ser unha boa solución para refuxiarse do temporal.
-
01
Galicia, un relato no mundo
Inaugurada o xoves, a gran mostra do ano na Cidade da Cultura amosa as relacións de Galicia co resto do mundo ao longo da historia.
-
02
Galaicos. Un pobo entre dous mundos
Tras inaugurarse en Madrid, a mostra organizada pola Deputación de Pontevcedra pode verse no Museo de Pontevedra ata o próximo 2 de febreiro.
-
03
Soliloquios, de Ramón Conde
O Centro Cultural Marcos Valcárcel, da Deputación de Ourense, acolle esta mostra do escultor Ramón Conde ata o 15 de decembro.
-
04
Mapa de desexos de Luis Seoane
A Fundación Luis Seoane, na Coruña, acolle ata xaneiro esta mostra de obras do artista seleccionadas por un cento de persoas en función de diversos conceptos e ideas.
-
05
Norman Parkinson, sempre con estilo
Tamén na Coruña a Fundación Barrié acolle ata xaneiro esta mostra do fotógrafo de moda Norman Parkinson.
-
06
Gotas de Agua con Granell
O Museo do Mar de Galicia, en Vigo, inaugurou esta semana esta selección de obras de Eugenio Granell coa auga como fío condutor.
-
07
Jorge Martins e Eduardo Gruber
Tamén en Vigo o MARCO ten abertas ata xaneiro dúas mostras con obras do portugués Jorge Martins e o cántabro Eduardo Gruber.
-
08
Oswaldo Guayasamín 1919-1999. Dúas series. Dous aniversarios
En Lugo a sede de Afundación ten aberta esta mostra do artista ecuatoriano.
-
09
Fotografía Contemporánea na Colección Telefónica
Outra sede de Afundación, a de Santiago, acolle esta mostra de fotografía.
-
10
Antón Fraguas Fraguas. Letras Galegas 2019
O Museo do Pobo Galego acolle aínda a mostra sobre o homenaxeado este ano co Día das Letras Galegas.
-
11
Crecer co mar
O Museo Massó de Bueu acolle esta mostra sobre as orixes da vila e a súa relación co mar.
-
12
Museo de Historia Natural de Ferrol
Para combinar coas artes plásticas e a fotografía sempre é interesante dar unha volta polo Museo de Historia Natural que a SGHN xestiona en Ferrol e que destaca pola súa colección de mamíferos mariños e cetáceos fósiles, co enorme esquelete dunha balea presidindo unha das salas.