Unha ducia de exposicións para ver en Galicia agora e nos vindeiros meses

O ouro dos akan. Tesouros reais da África occidental (Fundación Barrié. A Coruña)

Ata o 13 de xullo pode verse na Fundación Barrié da Coruña a exposición O ouro dos akan. Tesouros reais da África occidental, que amosa máis de 300 obxectos da cultura africana occidental dos akan, orixinaria das actuais Ghana e Costa do Marfil.

David Bailey (Fundación MOP. Porto da Coruña)

Un pouco antes do remate da enterior, o 28 de xuño, a Fundación MOP inaugurará na súa sede do porto herculino a súa nova exposición, con máis de 140 fotografías do fotógrafo británico David Bailey procedentes dos anos 60 e 70 do século pasado. A mostra, David Bailey's Changing Fashion, é a quinta que organiza a Fundación Marta Ortega -tras as de Peter Lindbergh, Steven Meisel, Helmut Newton e Irving Penn- e poderá visitarse ata o 14 de setembro.

Castelao: o retorno a Galicia, 1984. Fotografías de Xan Carballa (Museo do Pobo Galego)

Seguindo a conmemoración do 75 cabodano de Castelao, pode verse no Museo do Pobo Galego ata o 14 de xuño a mostra Castelao: o retorno a Galicia, 1984. Xan Carballa, fotografías, unha exposición comisariada por Xosé Enrique Acuña que iniciou a súa andaina o pasado ano no Museo de Pontevedra. 

A mostra recolle 52 das imaxes que Xan Carballa tirou para o semanario A Nosa Terra o 28 de xuño de 1984, momento da chegada dos restos de Castelao a Galicia para ser depositados no Panteón de Galegos Ilustres.

Podes ver aquí unha ducia destas imaxes

Castelao ensina (MUPEGA, Santiago)

Tamén con Castelao como protagonista, o Museo Pedagóxico de Galicia (MUPEGA), en Santiago, ofrece nestes momentos a exposición Castelao ensina, que recolle a faceta do rianxeiro como mestre no Instituto de Pontevedra. Pode verse ata o 14 de xuño.

Rafael Úbeda (Cidade da Cultura, Santiago)

Nestes momentos pode verse na Cidade da Cultura a exposición Úbeda. Visión retrospectiva, unha mostra que abrangue unha ollada completa da traxectoria creativa do pintor pontevedrés. O Museo Centro Gaiás reúne nesta mostra 56 pinturas, cinco debuxos e unha peza audiovisual inédita que axuda a comprender a súa evolución. Pode verse ata o 7 de setembro

Picasso protagonista. Viñetas no cómic español contemporáneo (Afundación, Ferrol)

A exposición Picasso protagonista. Viñetas no cómic español contemporáneo, que xa pasou por varias cidades galegas, pode verse neste momento en Ferrol, na sede de Afundación. Nela, varios creadores e creadoras de cómic expoñen aa súas obra inspiradas en Picasso. Ata o 21 de xuño.

Crear porvir. Editorial Galaxia 1950-2025 (Afundación, Ourense)

A sede ourensá de Afundación acolle ata o 28 de xuño a mostra Crear porvir. Editorial Galaxia (1950-2025), que percorre os 75 anos de historia desta empresa e institución do galeguismo, comisariada por Henrique Monteagudo. Despois de verse en Santiago e Lugo, pasarán ata final de ano polas restantes cidades do país.

Érguete. A pegada das nais (MARCO, Vigo)

En Vigo pode verse no MARCO a exposición Érguete. A pegada das nais, unha mostra que conmemora o 40 aniversario da creación desta asociación que naceu para loitar contra o narcotráfico. Pode visitarse ata o 8 de xuño.

A pegada das nais de Érguete, unha exposición para 40 anos de loita contra o narco

A porta fechada. Ana Gil (Museo Provincial de Lugo)

Ata o 15 de xuño pode verse no Museo Provincial de Lugo a exposición A porta fechada, con fotografías de Ana Gil que exploran o fogar como "un espazo de opresión e desacougo". O proxecto recolle o resultado dun traballo de investigación sobre o espazo doméstico que a artista desenvolve dende 2006.

Mandala, de Pilar Albarracín (CGAC, Santiago)

Ata o 7 de setembro pode verse no CGAC de Santiago a exposición de Pilar Albarracín Mandala (Arc en ciel). Trátase dunha das creadoras claves na renovación das linguaxes artísticas en España durante os anos noventa.

Luis Seoane. Identidade, memoria histórica e movementos sociais (Fundación Seoane, A Coruña)

Na Fundación Seoane da Coruña pode verse ata o 10 de xullo a exposición Luis Seoane. Identidade, memoria histórica e movementos sociais, unha mostra que pon de manifiesto diferentes aspectos do pensamento do artista.

Soterradas: vidas e historias. As mulleres: Walter Ebeling (Pazo de Tor, Monforte)

Esta semana remata no Pazo de Tor, en Monforte, a exposición Soterradas vidas e historia, baseada en fotografías de Walter Ebeling que documentan a vida das mulleres na Galicia de hai un século. 

Pazo de Tor: mudar o relato para contar as historias soterradas tras o noso patrimonio

Queridos obxectos: nostalxia e sedución (Museo Liste. Vigo)

En Vigo o Museo Etnográfico Liste amosa ata o 31 de decembro a exposición Queridos obxectos: nostalxia e sedución, que afonda nos souvenirs como "un valioso instrumento de análise do ser humano e da sociedade na que habita"