Un informe da Organización Internacional do Traballo (OIT) sobre a economía española recomenda o incremento dos salarios, en paralelo coa mellora da produtividade que se vén rexistrando nos últimos anos. De igual xeito, os economistas Albino Prada e Manuel Lago recomendaron este luns que os soldos crezan entre un 1% e un 1,5% para favorecer a recuperación da demanda interna e sentar as bases dun "modelo equilibrado" de crecemento.
Fálase
A Deputación de Lugo devolveralle ao seu persoal a paga extra de 2012 na nómina de outubro
A Xunta adxudica por 320.000 euros a segunda edición da súa campaña para animar a ter fillos. En 2013 o país tivo o peor saldo vexetativo de todo o Estado e acumula tres décadas con máis mortes que nacementos.
Tres mozos denunciados por pintar un mural de homenaxe a Pedro Galán na Coruña, segundo denuncia Galiza Nova. A policía local impediu que se rematase a pintura que homenaxeaba o que fora secretario de organización das Mocidades Galeguistas da Coruña.
O IGADI dedícalle o seu último Igadi Paper ás eleccións presidenciais que se celebran en Brasil o vindeiro domingo. Unha primeira volta dos comicios á que Rousseff e Silva chegan moi igualadas.
Syriza achegaríase á maioría absoluta nunhas hipotéticas eleccións xerais en Grecia. Co 36% dos votos, a coalición de esquerdas superaría en 11 puntos a Nova Democracia, segundo as últimas sondaxes, e podería obter 146 escanos (a cinco da maioría absoluta)
Goberno central e goberno vasco pactan deixar o éuscaro fóra da Lomce. Un acordo entre os executivos permite que a nova lei educativa non se aplique en Euskadi no ámbito da lingua propia e dos consellos escolares.
A Asociación Galega de Profesionais da Tradución e da Interpretación celebrará este martes o Día da tradución cun conxunto de actividades en Vigo
António Costa, alcalde de Lisboa, venceu claramente as eleccións primarias do Partido Socialista portugués, celebradas este domingo, e será o candidato nas eleccións xerais de 2015
Os e as traballadoras galegas teñen a semana laboral máis longa de España, con case 43 horas de media, segundo un informe da Fundación Primero de Mayo. Os e as autónomas traballan ao redor de 49 horas semanais.