Ferrolterra terá o novo curso un novo centro de inmersión lingüística en Primaria. O colectivo Semente acada nunha campaña de micromecenado os 60.000 euros necesarios para iniciar o proxecto, que se une a outras iniciativas sociais polo ensino en galego.
A derrota parlamentaria co decreto dos alugueiros de vivenda tensa as alianzas do Goberno de Pedro Sánchez en plena negociación dos Orzamentos Xerais para 2019. O pleno do Congreso, no entanto, si convalidou decretos como o da suba das pensións. Cóntao eldiario.es. Na imaxe (Congreso), o ministro Ábalos defendendo o decreto.
O Seprona investiga a morte a golpes de catro eguas que vivían ceibas nun monte de Oia.
132 persoas morreron na zona do Mediterráneo onde opera o Open Arms dende que o barco da ONG está bloqueado no porto por orde gobernamental. Unha información de Desalambre. (Imaxe: Olmo Calvo para Desalambre)
A Comisión de Peticións da Eurocámara decide reabrir o expediente sobre a polución das rías galegas entre reproches á Comisión Europea por non aclarar a situación real das augas. Unha delegación galega convidada por Ana Miranda (BNG) está a defender esa reapertura. O máis destacado do debate, dende Bruxelas en Praza.gal
O Festival Intercéltico de Lorient presenta o seu cartaz de 2019, centrado en Galicia como país ao que está dedicado nesta edición.
Remata a eclipse de Lúa, que malia á presenza dalgunhas nubes puido ser observada dende moitos puntos de Galicia. GCiencia explica este fenómeno astronómico. Na imaxe, a secuencia da eclipse, elaborada polo OAN.
A espionaxe a Bárcenas revela que a brigada política de policías que operou contra rivais políticos do PP tamén manobrou para protexer o Goberno de Rajoy fronte aos casos de corrupción do propio partido. Unha información de eldiario.es
O maquinista do tren accidentado en Angrois subliña que "o único que avisaba de que o tren tiña que empezar a frear" na curva era a propia "memoria" do condutor. Afirmouno Francisco José Garzón nunha entrevista en laSexta, na que reitera a súa petición de que as vítimas poidan coñecer toda a "verdade" do sucedido. O pasado xullo Garzón xa amosara o seu agradecemento ás vítimas na comisión do Congreso que investiga o accidente, onde criticara que o Goberno o sinalara dende o inicio como único culpable.
Camila Viéitez. Misterios bonitos de ver. María Villamarín entrevista para Vinte á "Virxe do Cristal do fanzine galego", cuxa obra chega tamén á Colección Vinte.
