O paro rexistrado descendeu en 13.144 persoas en Galicia en xuño. Son 21.742 inscricións menos nas oficinas de emprego que hai un ano. As afiliación á Seguridade Social aumentaron en 8.749 nese mes e en 13.998 en termos interanuais.
Fálase
A asociación profesional de bombeiros forestais de Galicia, Apropiga, critica o dispositivo de prevención e extinción de incendios forestais de Medio Rural polo seu carácter "fragmentado, privatizado, precarizado e desprofesionalizado". Este venres iniciouse a tempada de perigo alto de incendios forestais,
O filme John From, de João Nicolau, gaña a primeira edición do Festival Internacional de Cinema de Pontevedra Novos Cinemas
José Precedo relata en eldiario.es os diferentes sumarios de corrupción nos que está implicado Raúl López, propietario de Monbus e o máis importante empresario do sector en España. Investíganse os seus pagamentos a cargos de Defensa para facerse con adxudicacións de transporte do Exército
A operación saída complícase coas demoras e cancelacións de voos que está a rexistrar Vueling en boa parte das súas rutas, tamén en Galicia. A Generalitat convocou á empresa para pedirlle un “cambio de actitud”.
Sabucedo celebra esta fin de semana a súa Rapa das Bestas, festa de interese turístico internacional.
Veciños de Arteixo protestan en caravana contra a peaxe na AG-55. Eles téñena que pagar, pero os tráficos que a empregan para acceder ao Porto Exterior están liberados.
Podemos celebra este mediodía na Estrada o seu Consello Autonómico e pola tarde unha xuntanza con votantes da formación para analizar os resultados das pasadas xerais.
Hai dez anos do accidente do metro de Valencia no que morreron 43 persoas. Unha simple baliza programada correctamente teríao evitado, como tamén tería evitado, entre outras moitas medidas posibles, o accidente de Angrois de 2013 no que houbo 81 mortos.
Obras e meteoroloxía condicionan a Operación saída que está en marcha. A DGT estrea cinco novos radares en Galicia e estima que este ano as estradas galegas rexistrarán nove millóns de desprazamentos, un 3% máis que o ano pasado.