A Federación de Sindicatos de Xornalistas recolle as informacións que, nos últimos días, falan da posibilidade de que o Goberno central modifique a lei para poder designar un novo presidente de RTVE sen ter que consensualo con ningún outro partido. Ese proceso podería comezar no Consello de Ministros deste venres.
Fálase
O Ibex cae un 2,4% e perde os 7.000 puntos por primeira vez desde marzo de 2009. Tampouco se rebaixa a prima de risco, nos 422 puntos, mentres que a rendabilidade do bono español roza o 6%.
#19Aestudantespologalego A Mesa cifra nun 80% a participación na folga estudantil "contra os ataques ao galego". Destacan o paro como un “xesto de responsabilidade” do alumnado c e pídenlle ao presidente da Xunta que “escoite a contudente mensaxe” que hoxe lle enviaron “ducias de aulas baleiras”
Rajoy revela, nunha conversa informal con xornalistas, que haberá máis recortes antes do verán.
A secretaria xeral de Igualdade, Susana López Abella, reitera no Parlamento que os "non nacidos" contarán como membros da unidade familiar nas axudas da Xunta. Faise en virtude da lei aprobada no Parlamento a instancias da Red Madre do Foro Español de la Familia.
Presentada a redacción de Sermos Galiza, o semanario impreso e xornal dixital, que nacerá en breve: Xesús Manuel Piñeiro, Rodri Suárez, Beti Vázquez, Carme Vidal e Antón Fernández Escuredo
Bruxelas nega que se vaia activar un rescate para a banca española, aínda que deixa claro que o mecanismo "está listo" por se o houbese que facer.
A Cadena SER adianta que o Goberno central vai supender o acordo de Schengen durante o cumio do Banco Central Europeo en Barcelona. Para evitar a chegada de "antisistemas", di, recuperaranse temporalmente os controis fronteirizos.
#19Aestudantespologalego Ao longo da mañá estívose a celebrar en todo o país a mobilización estudantil a prol da lingua galega. A Mesa (@amesanl) considera "excelente" o nivel de participación na folga.
O conselleiro de Sanidade de Castela-A Mancha e responsable sanitario do PP, José Ignacio Echániz, resta importancia ao novo copagamento de medicamentos para pensionistas: "son só catro cafés ao mes", di. En Público.