Centos de gandeiros maniféstanse en Lugo ante a crise do sector lácteo, cos prezos máis baixos da década. Máis información, hoxe en Praza Pública. Víde de @revistaafriga.
Fálase
A asociación O Fervedoiro, de Cuntis, organiza unha homenaxe a Xohán Xesús González, no 80 aniversario do seu fusilamento. Será este domingo 11 de setembro, cunha ofrenda floral e un recital poético no cemiterio de Santa María de Cequeril (Cuntis)
O 8 de marzo, día da muller traballadora, será un dos festivos locais da Coruña en 2017, xunto co martes de Entroido. O Concello, que destaca que é unha forma de reivindicar a "necesidade de conformar unha sociedade máis xusta", debía escoller un día a maiores, xa que tanto o San Xoán coma o Rosario coinciden en sábado.
A Mancomunidade de Comunidades de Montes de Pontevedra alerta do alto risco de incendios forestais nas vindeiras semanas, por mor da calor, a sequía e o desmantelamento das brigadas de extinción.
Hoxe vivirase un dos días máis calorosos do ano en Galicia, con temperaturas que superarán os 40 graos en Ourense e Santiago, e que chegarán a 38 graos en Pontevedra e Lugo, 37 en Vigo e 36 en Ferrol.
Eurodiputados verdes, socialistas e do GUE crean un espazo común en Bruxelas para coordinar políticas. Algunhas das primeiras accións do Progressive Caucus están centradas na oposición ao CETA e ao TTIP
A CUP apoiará a cuestión de confianza de Puigdemont, mesmo sen a incorporación do referendo unilateral de independencia (RUI), evitando así a convocatoria de novas eleccións en Cataluña
O PP proclama que "en Galicia, o candidato de Ciudadanos chámase Alberto Núñez Feijóo". Afirmouno Miguel Tellado nunha rolda de prensa en Ferrol que recolle La Voz, na que considerou que votar por C's é guindar o voto "ao lixo" e favorecer os "radicais". Faino despois de que Albert Rivera se ofrecese a soster o goberno do PP se Feijóo non logra a maioría absoluta.
O incendio que este domingo arrasou 100 hectáreas en Chantada vén de ser controlado, segundo a información de Medio Rural. Este domingo foi extinguido outro en Padrenda, que queimara 37 hectáreas.
"Se Feijóo non logra a maioría e depende de C's, Galicia terá goberno". Albert Rivera, entrevistado en Faro de Vigo, afirma con rotundidade que os votos de Ciudadanos en Galicia servirán para conformar un executivo do Partido Popular
