Empresas pesqueiras galegas que operan na Arxentina terán que pagar un recargo duns 30 millóns anuais por decisión do Goberno de Macri. A medida forma parte do plan do Executivo arxentino para afrontar a grave crise económica do país. Cóntao a xornalista Lara Graña en Faro de Vigo.
Un embaixador español acompañou en 2007 a Corinna zu Sayn-Wittgenstein nunha xuntanza en Arabia Saudita onde actuou como representante do rei Juan Carlos I, segundo publica eldiario.es
As intensas treboadas deixan máis de 2.000 raios en Galicia en apenas oito horas, a maior parte nas comarcas máis interiores da provincia de Lugo. Así o detectou Meteogalicia.
Torra advirte de que "non aceptará" unha condena aos líderes independentistas que van ser xulgados polo proceso soberanista catalán. O presidente da Generalitat afirmouno nun discurso no Teatro Nacional de Catalunya no que sinalou as prioridades políticas do seu Goberno para os vindeiros meses.
Xavier Domènech abandona a política: deixa os seus cargos en En Comú e Podem e renuncia ao seu escano no Parlament
Pais e nais de Allariz convocan protestas para todos os días desta semana ante a delegación de Educación en Ourense tras negarse a Xunta este luns a crear unha nova aula na vila malia superar as actuais o máximo de alumnos fixado por lei.
"Cada día son máis feminista, pero tonterías as xustas”, di Ana Pastor, presidenta do Congreso, que rexeita dicir “señorías e señoríos”. “Pódenmo crer, non era, pero cada día sono máis”, di a popular pontevedresa.
A Audiencia de Pontevedra iniciará o próximo martes o xuízo contra os 'miguelianos', apoiados durante anos pola Igrexa antes de consideralos seita. A Fiscalía pide para o seu líder, Miguel Rosendo, 66 anos de cárcere por 21 delitos, entre eles contra a liberdade sexual.
O regreso do derbi galego á liga ACB de baloncesto xa ten data e hora: Breogán e Obradoiro enfrontaranse en Lugo o sábado, 27 de outubro, ás 18:00, segundo fixa o calendario feito público este martes. O partido de volta, en Santiago, disputarase o 2 ou 3 de marzo.
As inscricións nas oficinas de emprego aumentaron en 1.012 en agosto en Galicia, ata 164.424. Son 16.701 menos que hai un ano. No mesmo mes a afiliación á Seguridade Social descendeu no país en 1.158 persoas, ata as 1.020.388, 21.497 máis que en agosto de 2017. Máis información, hoxe en Praza.gal.