A Audiencia de Pontevedra iniciará o próximo martes o xuízo contra os 'miguelianos', apoiados durante anos pola Igrexa antes de consideralos seita. A Fiscalía pide para o seu líder, Miguel Rosendo, 66 anos de cárcere por 21 delitos, entre eles contra a liberdade sexual.
O regreso do derbi galego á liga ACB de baloncesto xa ten data e hora: Breogán e Obradoiro enfrontaranse en Lugo o sábado, 27 de outubro, ás 18:00, segundo fixa o calendario feito público este martes. O partido de volta, en Santiago, disputarase o 2 ou 3 de marzo.
As inscricións nas oficinas de emprego aumentaron en 1.012 en agosto en Galicia, ata 164.424. Son 16.701 menos que hai un ano. No mesmo mes a afiliación á Seguridade Social descendeu no país en 1.158 persoas, ata as 1.020.388, 21.497 máis que en agosto de 2017. Máis información, hoxe en Praza.gal.
Un terremoto con epicentro fronte á costa portuguesa á altura de Coímbra percíbese en diversos puntos de Galicia. Acadou unha magnitude de 4,6 graos, segundo o IGN.
O Goberno central cesa a directora xeral que autorizou un sindicato de “traballadoras sexuais”. A ministra de Traballo admitira que lle meteran “un gol” ao dar luz verde á creación dese sindicato fronte á posición abolicionista do Executivo.
O incendio que atinxe a parroquia quiroguesa de Outeiro rolda xa as 60 hectáreas, segundo as últimas estimacións de Medio Rural. Imaxe divulgada por bombeiros forestais da BRIF de Laza.
Un incendio arrasa o Museu Nacional do Rio de Janeiro, o máis antigo do Brasil
Xavier Ferreira, profesor de Dereito da USC, avoga pola reclamación civil para a recuperación do Pazo de Meirás. É un dos autores do informe histórico-xurídico encargado pola Deputación da Coruña sobre o inmoble.
Pablo Casado anuncia que proporá a derrogación da Lei de Memoria Histórica, que cualifica de "innecesaria". Afirma querer "reivindicar a Transición" e critica "a sectaria escritura da historia que deita padas de rancor sobre a sociedade española",
A oferta de pisos turísticos en Pontevedra duplica xa a de alugueiros convencionais e a iguala no conxunto de Galicia. Na provincia pontevedresa hai 1.325 vivendas dispoñibles para alugueiro de longa duración, fronte ás 3.186 de uso turístico.
