O servizo secreto saca a Trump dun mitin por unha ameaza que non era real. Velaquí o vídeo.
Fálase
Feijóo: "Rajoy e eu somos a garantía de que Galicia terá o peso político que lle corresponde en Madrid". O presidente da Xunta fala nunha entrevista para o Faro de Vigo.
O Deportivo empata en Granada malia adiantarse no marcador. Un tanto de Andone puxo o 0-1 pero os andaluces empataron a pouco do final.
Fernández de Mesa posa como os xenerais do século XIX para a galería da Garda Civil. Retrátase coa banda da Gran Cruz Naval, medallas no peito e bastón de mando para o cadro que deixan os ex-directores e causa malestar na cúpula do corpo pola súa impostura.
Caballero advirte que o párking do Cunqueiro podería ser de balde só para vigueses. O rexedor volve criticar as tarifas que a concesionaria cobra no aparcadoiro do hospital.
Detido en Francia o xefe de ETA, Mikel Irastorza. Substituíra na dirección a David Pla e Iratxe Sorzabal. Interior non descarta novas detencións nas vindeiras horas.
O presidente da CEOE nega as declaracións machistas "que se lle atribúen", inicialmente publicadas polo diario Levante. Así o manifesta a patronal nun comunicado
O PP anuncia a reactivación da comisión de investigación sobre as caixas galegas no Parlamento. Este órgano leva paralizado dende outubro de 2013 e nos últimos anos a oposición reclamou, sen éxito, ampliar o seu traballo.
O presidente da CEOE di que a incorporación das mulleres ao traballo é "un problema". Joan Rosell tamén quitou importancia á precariedade laboral: "Entre non ter traballo e ter un que non che gusta, mellor ter traballo".
Extel executará o ERE con 107 despidos na Coruña fronte aos 205 previstos inicialmente. A empresa asegura que todas as baixas son voluntarias. Máis información, hoxe en Praza.
