A manifestación contra o goberno de Compostela Aberta non chega nin a celebrarse ante a falta de xente. Convocada baixo o lema "Santiago non é comunista", a mobilización fracasa, pero simpatizantes da candidatura cidadá levan a cabo outra de maneira humorística e irónica.
O Marianne, que abre unha nova frota da liberdade cara a Gaza, chega xa a Bueu. Pódese seguir aquí o seu atraque en Galicia. Máis información, hoxe en Praza.
Críticos de Podemos apostan pola confluencia coas Mareas sen condicións e insisten na aposta por crear un amplo espazo de confluencia, unha porta que tamén abriu Pablo Iglesias ao recoñecer as "particularidades" do "ecosistema político galego".
Os EUA anuncian a saída de Cuba da lista de patrocinadores do terrorismo. O país formaba parte desta listaxe desde 1992 e a decisión abre a porta á inmediata apertura de embaixadas.
Louzán cre que o PP pactará co BNG na Deputación "se o Bloque non quere desaparecer aquí". O presidente provincial insiste en ofrecer un acordo "sen condicións" aos nacionalistas para gobernar o organismo.
Xavier Vence di que a prioridade é que Galicia "teña voz propia no Congreso, non a marca". O voceiro nacional do BNG di que a formación falará con todos para levar unha candidatura potente ás xerais.
O Breogán imponse por 81-73 ao Ourense e adiántase por 2-1 na eliminatoria polo ascenso á ACB nun ateigado Pazo no que destacou o bo ambiente entre afeccións. A final continúa o domingo en Lugo.
O PP supera a Marea Atlántica por 28 votos tras as impugnacións de sufraxios promovidas polos de Negreira. Xulio Ferreiro precisará de apoios como o xa anunciado polo PSdeG para a investidura.
O Valedor do Pobo alerta do uso do whatsapp como instrumento de violencia machista e de control das súas parellas por parte de mozos e adolescentes
Hernández di que estaría "disposto" a aceptar os votos do PSOE para desbancar a Compostela Aberta. Mentres, os socialistas composteláns aseguran que facilitarán a investidura de Martiño Noriega, que se dispón a iniciar os contactos con PSdeG e BNG para asegurar a "gobernabilidade". Cóntao Europa Press
