As deputacións da Coruña, Lugo e Pontevedra reciben os informes para devolver os servizos de bombeiros á xestión pública. A Xunta abriuse á fin das privatizacións tras anos impulsándoas e os primeiros cálculos indican que sairía máis barato o modelo público. A Deputación ourensá desmarcouse do proxecto.
O Concello de Lugo rompe o contrato coa empresa de seguridade Alcor por incumprir a suba de salarios ao persoal que comprometera nas cláusulas sociais do contrato deste servizo.
Os movementos feministas culminan con mobilizacións en varias vilas e cidades os actos do Día Internacional das Mulleres
ENCE aclara que a demora da súa planta de biomasa non é provocada por un trámite do Concello de Pontevedra, senón da Xunta. Afírmao a pasteira nun comunicado que recolle Europa Press na súa web. O Executivo galego suxeriu que a construción desta planta en Huelva e a redución de investimentos na factoría pontevedresa se debía ao obstrucionismo do goberno local.
A Xunta identifica 90 mandas reprodutoras de lobos en Galicia e asegura que "actualizará este ano" o seu plan de xestión. Asegurouno a conselleira de Medio Ambiente, Beatriz Mato, en resposta ao PSdeG no Parlamento. Nos últimos meses diversos colectivos ambientalistas veñen instando o Goberno a actuar para garantir unha "boa convivencia" con esta especie. (Imaxe: ADEGA)
VÍDEO | O vicepresidente do Parlamento, Diego Calvo, expulsa do pleno varios traballadores do metal por facer xestos de "desaprobación" durante unha intervención do conselleiro de Industria. O BNG anuncia que protestará formalmente ante a Mesa
Denegan o teletraballo a unha investigadora dun centro dependente da Xunta malia ter 3 fillos e 3 horas de viaxe cada día. Revélao Faro de Vigo na súa edición ourensá
Traballadoras de todos os sectores súmanse ao paro convocado este mediodía con motivo da Folga de Mulleres deste 8 de marzo. Na imaxe, alumnas e profesoras do IES Alfredo Brañas de Carballo, que se sumaron á mobilización baixo o lema "Respecto".
María Reimóndez gaña o I Premio Xohana Torres de ensaio e creación audiovisual, que vén de entregar o Concello de Santiago no marco dos actos do Día Internacional das Mulleres
A Asociación Feminista Falando Nós e Ourense en Común rexeitan o programa de actividades deseñado polo Concello de Ourense para o 8 de marzo, centrado en "actividades lúdico deportivas que nada fan por representar a realidade discriminatoria que estamos a vivir", denuncia Falando Nós. OeC critica o "menosprezo" ao "labor de colectivos feministas que levan anos defendendo os dereitos da muller".