Xa se pode ver o vídeo que resume a Marcha Sada-Meirás que o pasado sábado esixiu a recuperación para o patrimonio público do pazo ocupado pola familia do ditador Francisco Franco.
Fálase
-
Este luns inaugurouse a Residencia Universitaria Elvira Bao, da Universidade da Coruña, que contará con 118 prazas. A cidade era a única en Galicia que carecía de residencia universitaria pública. Foi impulsada polo Concello e a Deputación xunto á UDC.
Asociacións de memoria histórica e En Marea reclaman que o Goberno central retire seis medallas honoríficas a Francisco Vázquez, ex-alcalde da Coruña e antigo embaixador de España ante o Vaticano.
O BNG propón á militancia unha coalición con forzas independentistas catalás e vascas para as eleccións europeas de maio. Sería un acordo "instrumental" con partidos das nacións sen Estado.
Anticorrupción investiga os fondos reservados da policía política do PP. Unha peza secreta do caso Villarejo investiga os pagamentos ao chófer de Bárcenas a cambio de información comprometedor que puidese gardar o ex-tesoureiro.
Arnaldo Otegi propón que o independentismo catalán, galego e vasco acuda xunto a unhas futuras eleccións xerais. "Desde o PNV ata a CUP, di o coordinador xeral de EH-Bildu, que aposta por un "programa de mínimos" que inclúa un "referendo pactado".
VÍDEO | As afeccións de Deportivo e Oviedo berraron xuntas "Alcoa non se pecha" no encontro de onte en Riazor. O equipo galego venceu 4-0 ao asturiano. No Anxo Carro, o Lugo caeu 0-1 ante o Alcorcón. Foto: @GNACorunha.
O Goberno central prevé impedir por lei que haxa máis centros concertados que segreguen por sexo. A reforma da Lomce elimina a cláusula que defendía que a educación diferenciada non se considera discriminación por xénero.
Preséntase Pintabeizos Filolóxico, unha iniciativa para "acadar a normalización do noso idioma en todos os seus usos e funcións". Comeza promovendo que o termo pintabeizos sexa aceptado no dicionario da RAG (na actualidade só é valido lapis de labios ou barra de labios), servindo de exemplo simbólico do proxecto.
Os bancos non pagarán o imposto hipotecario cando presten o diñeiro a administraciones públicas, partidos, fundacións bancarias e Igrexa, que xa non tiñan que afrontar este tributo. Civio debulla o decreto ditado polo Goberno central tras o cambio de criterio do Supremo.
