Preséntase Pintabeizos Filolóxico, unha iniciativa para "acadar a normalización do noso idioma en todos os seus usos e funcións". Comeza promovendo que o termo pintabeizos sexa aceptado no dicionario da RAG (na actualidade só é valido lapis de labios ou barra de labios), servindo de exemplo simbólico do proxecto.
Os bancos non pagarán o imposto hipotecario cando presten o diñeiro a administraciones públicas, partidos, fundacións bancarias e Igrexa, que xa non tiñan que afrontar este tributo. Civio debulla o decreto ditado polo Goberno central tras o cambio de criterio do Supremo.
O bispo de Vigo-Tui afirma que non denunciou os abusos dos Miguelianos porque o seu "terreo" é o "moral". Luis Quinteiro Fiuza di que vítima lle comunicou que fora "forzada" a manter relacións sexuais co líder da orde, Miguel Rosendo e engade que a muller "entrou no xogo" e "deixouse un pouco". A Fiscalía pide 66 anos de cárcere para o líder dos Miguelianos.
Unha profunda borrasca situada ao oeste de Irlanda provoca a activación en Galicia de alertas laranxa e amarela por vento e chuvia. Meteogalicia ofrece os detalles.
Transparencia obriga o Porto da Coruña a entregar ao Concello coruñés informes sobre as irregularidades que investiga o Tribunal de Cuentas, documentación que a Autoridade Portuaria negara ao goberno local. Informa La Opinión de A Coruña
Persoal galego de Alcoa participa arestora en Avilés na manifestación que clama contra o peche anunciado para as fábricas desa localidade e da Coruña. Foto: @TraballadoAlcoa
A Xunta cifra en 27 as “infraccións penais” rexistradas o pasado ano nos camiños de Santiago en Galicia. Segundo indicou a directora de Turismo no Parlamento a preguntas do PSdeG, foron “furtos menores, apenas nada” en comparación cos máis de 300.000 peregrinos ao ano que rexistran os 1.500 quilómetros de camiños que discorren por Galicia.
María Xesús Lama gaña o 'Premio Nacional de Ensaio' coa súa biografía Rosalía de Castro. Cantos de independencia e liberdade (1837-1863). (Imaxes: Galaxia)
Persoal de Alcoa maniféstase este xoves en Avilés contra o peche das factorías asturiana e coruñesa da multinacional. A marcha, que se prevé multitudinaria, desenvólvese na mesma xornada en que Feijóo e o presidente de Asturias, Javier Fernández, se reúnen en Madrid coas ministras de Industria e Transición Ecolóxica para abordaren o conflito. Na Coruña as mobilizacións contra o peche seguen o sábado.
Os Mossos d'Esquadra deteñen un francotirador que quería matar a Pedro Sánchez por ordenar a exhumación do cadáver do ditador Francisco Franco. O detido é un habitual de ambientes de ultradereita, segundo informa El Periódico de Catalunya.
