María Xesús Lama gaña o 'Premio Nacional de Ensaio' coa súa biografía Rosalía de Castro. Cantos de independencia e liberdade (1837-1863). (Imaxes: Galaxia)
Fálase
-
Persoal de Alcoa maniféstase este xoves en Avilés contra o peche das factorías asturiana e coruñesa da multinacional. A marcha, que se prevé multitudinaria, desenvólvese na mesma xornada en que Feijóo e o presidente de Asturias, Javier Fernández, se reúnen en Madrid coas ministras de Industria e Transición Ecolóxica para abordaren o conflito. Na Coruña as mobilizacións contra o peche seguen o sábado.
Os Mossos d'Esquadra deteñen un francotirador que quería matar a Pedro Sánchez por ordenar a exhumación do cadáver do ditador Francisco Franco. O detido é un habitual de ambientes de ultradereita, segundo informa El Periódico de Catalunya.
O estadio compostelán de San Lázaro levará o nome da futbolista Verónica Boquete. Os catro grupos do Concello santiagués anunciarán este xoves o acordo, que pretende homenaxear a exitosa xogadora galega e subliñar a aposta polo deporte feminino. Consulta aquí toda a información sobre este recoñecemento.
Cospedal anuncia que abandona o seu escano no Congreso. Di que o fai "para liberar o PP de calquera ataque".
Un xulgado anula 156 nomeamentos en comisión de servizos de funcionariado do Concello da Coruña por excederen o límite de 2 anos para esta figura laboral na Administración. A sentenza, resultado dunha denuncia da CIG, atinxe a 79 designacións do actual goberno local, 71 da etapa do PP e 27 procedentes do mandato de PSdeG e BNG. Informa La Opinión de A Coruña
A borrasca que chegou onte a Galicia deixou ventos de 146 quilómetros por hora en Viveiro e 116 litros por metro cadrado de chuvia en Val do Dubra ou Lousame. Este mércores mellorará o tempo, aínda que as intensas chuvias e o forte vento regresarán o xoves e o venres, de novo con alerta laranxa no mar.
Trump perde o control do Congreso, aínda que os Republicanos manteñen a súa maioría no Senado. Os Demócratas poderán agora limitar a capacidade de acción do Presidente e investigalo
Feijóo reitera a promesa dun parque acuático en Ourense. O presidente incluíuno nos seus anuncios tras recibir o alcalde ourensán, Jesús Vázquez, a quen erixiu como "o mellor" das sete cidades galegas. A Xunta desempoou o pasado verán o proxecto, que se ubicaría nas instalacións deportivas de Monterrei, tras anuncialo na campaña das eleccións galegas. O parque acuático veu sendo unha proposta recorrente do partido Democracia Ourensana.
A Xunta suspende polo temporal dende as 12 da mañá as actividades no exterior dos centros educativos "no suroeste, oeste e noroeste da Coruña, litoral de Pontevedra e Mariña lucense" e decide manter as clases e o transporte escolar. Como adoito, deixa nas mans das direccións de cada centro a suspensión doutras actividades "no caso de que a situación meteorolóxica supuxese un risco superior ao declarado". Os concellos incluídos en cada zona poden consultarse aquí. (Imaxe: Concello da Coruña)
