Unha mobilización pide #xustizaparaJimmy ante os xulgados da Coruña, onde declarou un dos afeccionados que foi lanzado ao río nos altercados acontecidos hai case un ano en Madrid. Foto de @BNGACorunha
Fálase
-
O presidente da Deputación de Lugo, Darío Campos, prevé anunciar a configuración do novo goberno o vindeiro luns. Nel, indica, estarán todos os deputados de PSdeG e BNG "agás que non queiran". Recólleo El Progreso
A Audiencia Nacional condena a Gayoso, Pego, Gorriarán e Rodríguez Estrada polas indemnizacións da caixa fusionada. Adiántao La Voz de Galicia. Máis información, hoxe en Praza.
O paro caeu en Galicia en case 30 mil persoas no terceiro trimestre, ata as 223 mil, unha taxa do 17,66%, segundo as cifras da EPA que se veñen de publicar. No conxunto de España, o desemprego baixou en 298 mil persoas, ficando a taxa no 21,18%. Toda a información, hoxe en Praza.
As granxas lácteas galegas deixaron de ingresar 82 millóns de euros dende abril e non cobrarán o importe das axudas prometidas, denuncia o SLG, que sinala que o orzamento do Ministerio de Agricultura para as granxas que menos perciben polo leite é "absolutamente insuficiente", pois Galicia recibirá apenas 16 millóns.
Os celadores do Hospital de Vigo iniciarán o luns un novo peche se o conselleiro de Sanidade non os recibe antes. Manteñen a súa protesta contra a privatización de parte das súas funcións.
Francisco Correa confesa que cobraba comisións do 3% en nome de Bárcenas e do PP, segundo revela en exclusiva El Diario. O presunto cabecilla da trama Gürtel sitúa a Camps no centro da trama en Valencia e tamén achega información sobre o financiamento irregular do PP en Madrid. Con esta confesión, que tamén lle entregou á Xustiza, Correa buscou sen éxito rebaixar a súa condena.
A Garda Civil estreita o cerco ao redor de Convergència polo presunto financiamento ilegal do partido a través do cobro de comisións a cambio de obra pública. Ao longo do día de onte foron detidos o tesoureiro da formación, o seu antigo xerente e o responsable do ente público encargado de licitar as obras da Generalitat, entre outras persoas.
Eldiario.es publicará esta noite a confesión de Francisco Correa, presunto líder da trama Gürtel. Trátase do documento que Correa entregou á Fiscalía para negociar unha redución de condena a cambio de colaborar coa Xustiza.
A fotógrafa das Pontes Bandia Ribeira gaña o premio Luís Ksado de fotografía, que organiza a Deputación da Coruña.
