Ás once da mañá convócase unha concentración en Ferrol para evitar un desafiuzamento. Será nas vivendas sindicais de San Pablo en Catabois.
Fálase
Nove persoas suicídanse cada día en España; tres por culpa da crise. O suicidio convértese na primeira causa de morte non natural, por diante dos accidentes de tráfico.
O Goberno prepara a petición de rescate. O Partido Popular considera que Rajoy non debe renunciar ao seu cargo nin convocar eleccións anticipadas, tal e como fixeron os primeiros ministros de Grecia, Irlanda e Portugal.
WikiLeaks comeza a difundir documentos sobre o trato a presos en Guantánamo. Anuncia que ao longo do vindeiro mes difundirá os arquivos coas indicacións seguidas polos cargos militares durante máis dunha década.
Colgan unha imaxe da Vía Láctea de 9 mil millóns de píxeles e cun peso de 24,6 GB. Se se imprimise á resolución habitual dos libros mediría 9 x 7 metros. Pódese descargar aquí
O Concello de Madrid prohíbelles ás persoas enfermas de sida exercer a profesión de taxistas. En El País.
Cada cidadán achegou máis de 1.800 euros para sanear a banca en 2010, ano no que a maioría das axudas públicas destináronse ás entidades financeiras. Cóntao El Diario.
Obama pon España como exemplo da falta de reacción ante a crise. "Cando estoupou a burbulla inmobiliaria, non se reaccionou axia; agora ten moitos problemas para obter préstamos", destacou nun programa de televisión.
A asociación A Xuntanza, que agrupa a veciñanza do barrio compostelán de San Pedro, chama a "protexer e acariñar" o Camiño de Santiago no vixésimo quinto aniversario da súa declaración como primeiro itinerario cultural europeo. O Camiño, que atravesa o barrio, require "políticas que permitan a súa sustentabilidade", din nun comunicado
O Goberno central anticipa que os datos do paro que fará públicos este venres amosarán unha situación "dramática". En Público.es
