Sáenz de Santamaría anuncia tamén que se liberalizarán tres sectores estratexicos: "servizos, telecomunicacións e enerxía".
Fálase
O Goberno anuncia unha "folla de ruta" de reformas que inclúen 43 novas leis para "mellorar a competitividade e o emprego", durante a presentación dos Orzamentos Xerais de 2013.
Rosalía Mera apoia o 25S porque "demostra que o pobo está vivo". A presidente da Fundación Paideia cre que en España "hai moitas cousas que modificar e incluso destruír". "Hai empresas con modelo do século pasado, cos que é case imposible pensar en 2020", asegura unha das mulleres máis ricas do mundo.
Convocan unha asemblea aberta dos movementos sociais de Ferrolterra en apoio de Alternativa Galega de Esquerdas. Será o vindeiro venres 28.
Dimite o alcalde de Ourense. O rexedor, imputado na operación Pokemon, presentou a súa renuncia antes de que a súa continuidade fose debatida na asemblea local do PSdeG. Faino unha semana despois de ser detido. Máis información, esta tarde en Praza.
Os concelleiros do BNG abandonan o Goberno de Ourense renunciando ás súas competencias. Ademais, Fernando Varela, imputado por supostos delitos de prevaricación e aceptación de subornos, presentou a súa renuncia como concelleiro. Máis información, esta tarde en Praza.
O Goberno sobe un 1% as pensións e mantén a compensación polo IPC, segundo adianta Europa Press.
A Audiencia Nacional rexeita investigar os detenidos polo 25S. Non considera que cometesen delitos contra a nación, como si asegurou a Policía. Cóntao El Diario.
Traballadores do naval e funcionarios maniféstanse xuntos en Ferrol en contra dos recortes e para reclamar carga de traballo para os estaleiros da ría. Unhas 3.000 persoas concentráronse fronte ao Concello.
#consellodaxunta Feijóo di, en relación co caso Pokémon, que "hai partidos aos que lles molesta que actúe a xustiza". Segundo Feijóo "é bo para a sociedade" que "a clase política saiba que non hai períodos de graza" e que "en calquera momento pode haber unha investigación" con "responsables políticos mesturados".