O discurso de Noiteboa do rei Felipe VI foi o menos visto da historia, cun share do 57.6% e 5,8 millóns de espectadores/as, 8 puntos menos que o pasado ano e 16 menos que hai dous anos. Felipe cae mesmo por debaixo dos peores datos acadados polo seu pai. En Galicia o share foi do 67,1%
A Federación Galega de Balonmán celebra o triunfo da selección feminina absoluta no Torneo IV Nacións. O equipo galego gañou na final fronte a Euskadi por 23-33.
VÍDEO | Panxoliña leiteira polas festas de Nadal da man de De Vacas e Deleite. O grupo interpretou o tema en Lugo co gallo da presentación da liña sen lactosa da marca de Leite Noso.
R culpa a Vodafone da avaría que o pasado venres deixou sen servizo de voz e datos a unha boa parte dos seus usuarios e usuarias. A compañía sinala que o fallo tivo a súa orixe nun envío masivo de SMS por parte de Vodafone a clientes de R. Porén, Vodafone négao, considera a acusación "inxustificada e irresponsable" e pide unha rectificación.
As autoridades rusas sinalan que o accidente do avión militar no que o sábado morreron 92 persoas se produciu por un fallo técnico ou por un erro do piloto
O Porto da Coruña retira do seu Plan de Empresa de 2017 a negociación co Concello polos terreos do peirao, que quedarán baleiros tralo traslado a Punta Lagosteira de parte da actividade. O ente portuario espera lucrarse coa venda deste espazo público, destinándoo a promocións inmobiliarias.
O ex presidente portugués Mário Soares continúa en estado crítico. O estado de saúde do político, de 92 anos, agravouse o sábado.
Eldiario.es repasa algunhas das infraestruturas privadas deficitarias, frustradas ou quebradas cuxo custe foi asumido polas arcas públicas nos últimos anos, socializando as perdas empresariais: dende o túnel do AVE a Francia, oito autoestradas de peaxe, a regasificadora de Xixón ou o almacén de gas Castor
Morre, aos 53 anos de idade, George Michael. O cantante finou no día de nadal por un fallo cardiaco
O ex-deputado galego Javier Dorado, novo director do Instituto de la Juventud (Injuve). Tamén vén de ser nomeado secretario xeral do PP de Vigo, que con tan só 28 anos xa ocupou importantes cargos políticos.
