🏳️🌈
Víctor Freixanes, elixido presidente da RAG con 18 votos dos 19 membros da Academia presentes na votación, á que non acudiron 9 integrantes da institución, dos que 3 escusaron a súa ausencia. O novo presidente vén de apelar ao "continuísmo" e á "unidade" na súa primeira intervención. Toda a información, este serán en Praza.
O PPdeG abandona a doutrina da lista máis votada para desaloxar o alcalde socialista de Sobrado. Os conservadores, con 3 edís veñen de facerse co bastón de mando grazas a unha moción de censura contra o PSdeG (4 edís) pactada co grupo independente TXS (2 edís). Recólleo El País. Os conservadores xa obviaran este criterio o pasado ano en Santa Comba.
O Tribunal de Contas dá a razón á xestora do PSOE sobre o financiamento das primarias fronte á candidatura de Pedro Sánchez, que defendía o manter o financiamento a través do crowdfunding. Cóntao eldiario.es
Marine Le Pen domina amplamente no voto obreiro en Francia, segundo unha sondaxe que vén de publicar Ifop. A candidata da Fronte Nacional obtén o 43% dos apoios, moi por diante de Macron (17%) e Mélenchon (15,5%)
Un tuiteiro vigués, xulgado na Audiencia Nacional por pedir a liberdade para un preso dos GRAPO "por motivos humanitarios". Foi igualmente preguntado pola Fiscalía por escribir que "os dereitos dos traballadores non se obteñen no Parlamento, conquístanse loitando na rúa"
WhatsApp podería poñer en marcha a opción de borrar mensaxes ata dous minutos despois de envialos
Trump rescindirá este martes seis políticas contra o cambio climático aprobadas por Obama. As novas medidas impulsarán a produción enerxética con combustibles fósiles e poñen en risco o Acordo de París.
O PSOE celebrará as súas primarias, probablemente, o 21 de maio, un mes antes do Congreso do partido, fixado para o 16 e 17 de xuño
VÍDEO | A Mesa impulsa a recollida de sinaturas para a súa ILP a prol dos dereitos lingüísticos cunha campaña que apela a "cargarse de sentido común". Recolleuno Nós TV
Alejandro Quiñoá, novo presidente da Coordinadora Galega de ONGD. Delegado en Galicia da Asemblea de Cooperación pola Paz, colle o relevo de Gema Filgueira despois de seis anos como máxima representante da organización. As incorporacións de AIDA e Semilla para el Cambio elevan a 45 o número de entidade que conforman a CONGD