A Garda Civil acode ao Teatre Nacional de Catalunya á procura de probas contra Junts pel Sí por un acto sobre o referendo de autodeterminación que o Goberno catalán prevé para o 1 de outubro. Está a contalo Catalunya Plural
![](https://praza.gal/media/cache/live_image/xornal/uploads/falase/foto/596759a020a9e-denilv2xyautx9c.jpg)
A Garda Civil acode ao Teatre Nacional de Catalunya á procura de probas contra Junts pel Sí por un acto sobre o referendo de autodeterminación que o Goberno catalán prevé para o 1 de outubro. Está a contalo Catalunya Plural
Os ex-tesoureiros do PP comparecen esta mañá na comisión do Congreso que investiga o presunto financiamento ilegal do partido. O primeiro en comparecer é Rosendo Naseiro nunha sesión que pode seguirse ao vivo nesta ligazón
"Provaremos a inocência de Lula em todas as cortes não tendenciosas", di a defensa de Lula da Silva tras a condena en primeira instancia do ex-presidente brasileiro a nove anos e medio de cadea por corrupción pasiva e branqueamento de cartos. Está a contalo Carta Capital
Sindicatos e patronal chegan a un principio de acordo e suspenden ata o 2 de agosto a folga de buses que este xoves se ía converter en indefinida, avanza Europa Press Galicia na súa web. O 8 de agosto deberá estar en vigor o novo sistema da Xunta que orixinou o conflito e que segue a ser rexeitado pola patronal.
Lula, condenado a nove anos e medio de cárcere por branqueo de capitais e corrupción pasiva. Un tribunal de primeira instancia emitiu este mércores a sentenza pola implicación do ex-presidente brasileiro, que se preparaba para volver ser candidato, na rede de corrupción que operou en Petrobras.
Despréndese da Antártida o iceberg máis grande da historia. A revista National Geographic explica as causas e efectos deste fenómeno, que captou a Axencia Espacial Europea dende un dos seus satélites.
O pleno do Parlamento comeza cun minuto de silencio na memoria de Miguel Ángel Blanco, o edil do PP de Ermua (Biskaia) de orixes galegas asasinado por ETA hai hoxe 20 anos.
Manuel Bello Parga, Manolito Bello, guerrilleiro antifranquista sentenciado a morte no 1946 con 21 anos de idade, foi homenaxeado este martes na Coruña, no aniversario da súa execución, nun acto organizado pola Comisión pola Recuperación da Memoria Histórica, o PCG e as XCG. O pasado ano conmemorouse o 70 aniversario do seu asasinato.
A Autoridade Portuaria da Coruña admite por primeira vez que se negocie unha quita da débeda que mantén co Estado, como propón o Concello. Dos 300 millóns de euros de débeda que arrastra o Porto, 200 corresponden a un préstamo do Goberno central para a a construción do Porto Exterior de Punta Langosteira
Os encoros galegos sitúanse un 15% por debaixo da súa media histórica nesta altura de ano, debido principalmente a que as chuvias no que vai de ano foron un 35% inferiores ao habitual