O prezo dos billetes de tren de media distancia en Galicia sobe hoxe máis dun dez por cento. Por exemplo, entre A Coruña e Compostela pasa de 5'05 a 6'05 euros (ou de 6'05 a 6'75 noutra tarifa). Entre Compostela e Vigo pasan de 7,65 a 8,55 e de 9,15 a 10,20. E entre Vigo e A Coruña soben de 14'90 a 16'60.
Fálase
A esquerda abertzale, EA, Aralar e Alternatiba presentan unha nova proposta socioeconómica a través da web haysalida.net. A proposta ten como base a soberanía de Euskal Herria, o investimento público na economía, a mellora dos servizos sociais e un novo modelo enerxético.
Denuncian que TVE censurou os discursos máis críticos na retransmisión da Gala dos Premios Max de Teatro.
"Sairemos á rúa até que isto cambie". Esa é a advertencia de CCOO e UGT tras a masiva manifestación de Madrid. "O 20 non é o final, non é o final o Primeiro de Maio, sairemos ás rúas aínda que lles moleste, para que isto cambie", aseguraron Toxo e Méndez, secretarios xerais dos sindicatos.
Mentres, CC.OO. e UGT falan de 125 mil manifestantes nas súas marchas en Galicia. Na Coruña ofrecen unha estimación de 30 mil persoas (15 mil segundo a policía local). Máis información en Praza nuns minutos
Finalizan as manifestacións. A CIG realizou chamadas á folga xeral, que podería convocar para a primeira quincena de xuño. Na Coruña o sindicato cifra a participación en dez mil persoas (2.500 segundo a policía local), cunha asistencia meirande en Vigo. En Ferrol participaron ao redor de dúas mil persoas (imaxe via @AnaArias70)
As manifestacións de CIG e CC.OO. e UGT en Vigo, as máis numerosas de Galicia, baixo a chuvia e os paraugas
A CIG escolleu A Coruña para celebrar a súa manifestación central no 1º de maio
Tamén en Compostela, na marcha de CC.OO. e UGT (via @godial)
Participación moi numerosa nas manifestacións do 1º de maio en Ferrol (via @mouchosUGT)
