O socialista Valentín González Formoso, reelixido presidente da Deputación da Coruña cos votos a prol de PSdeG, BNG, Marea Atlántica e Alternativa dos Veciños. A outra aspirante a popular Rosa Gallego, obtivo os 14 apoios do seu grupo. Formoso gobernará en coalición co BNG. Consulta aquí o máis destacado do pleno
Fálase
Falece o alcalde de Baralla tres días despois de renunciar ao cargo, no que foi reelixido o pasado xuño, por mor da enfermidade que padecía. Manuel González Capón era rexedor da localidade dende 1987 e logrou nas pasadas municipais unha ampla maioría absoluta para o PP.
Este mediodía constitúese a nova corporación da Deputación da Coruña, que gobernarán en coalición PSdeG e BNG con Valentín González Formoso como presidente e Xosé Regueira na Vicepresidencia. Na imaxe, os voceiros socialista e nacionalista, Bernardo Fernández e Xosé Regueira, na sinatura do pacto.
O PP europeo bloquea o pacto para renovar as institucións europeas que implicaba a presidencia da Comisión para o socialista Timmermans. As negociacións continúan este luns en Bruxelas. Na imaxe, Pedro Sánchez durante as negociacións co presidente de Francia e os primeiros ministros de Portugal, Países Baixos e Bélxica.
O Concello de Salvaterra do Miño denuncia a queima da bandeira LGTBI que estaba colgada na fachada do consistorio, que tivo lugar esta madrugada. "Este Concello sumouse á celebración do Orgullo para reivindicar o dereito a ser e amar libremente, o dereito á liberdade e ao respecto", destacan.
VIDEO | Así foi o espectáculo de luz que este sábado pola noite celebrou o décimo aniversario da declaración da Torre de Hércules como Patrimonio da Humanidade. A proxección repetirase este domingo ás 23 horas
A Real Academia Galega de Belas Artes dedicará o Día das Artes Galegas 2020 ao arquitecto Domingo de Andrade. Construíu a Torre do Reloxo da Catedral de Santiago ou a escaleira tripla de caracol helicoidal do convento de San Domingos de Bonaval, ademais de parte das catedrais de Lugo e Ourense ou a Casa da Parra e a Casa da Conga, en Compostela
PSdeG-PSOE e BNG pechan o acordo para reeditar o goberno de coalición na Deputación Provincial da Coruña, que seguirá presidida por Valentín González Formoso e contará cunha única vicepresidencia a cargo do nacionalista Xosé Regueira. O pacto aposta por “profundizar nas políticas seguidas nos últimos catro anos”, que supuxeron “unha transformación radical do seu funcionamento”.
A Policía italiana detén no porto de Lampedusa a Carola Rackete, capitá do Sea Watch 3, despois de que desembarcase 40 inmigrantes que levaban 17 días no mar, con graves problemas físicos e psicolóxicos. O Goberno italiano negáralle a autorización para deixalos en terra e acúsaa de "resistencia contra un buque de guerra", un delito que comporta unha pena de ata dez anos de cadea
Trump anuncia que restaurará as relacións comerciais con Huawei. Durante o cumio do G20 en Osaka informou que permitirá ás empresas estadounidenses que vendan produtos ao fabricante chinés. O anuncio complétase coa paralización dos anunciados novos aranceis ás importacións chinesas, a cambio da compra de produtos agrícolas norteamericanos por parte do país asiático.