Remata a xornada de peches nos centros dependentes da Consellaría de Traballo. Traballadores das residencias de maiores, centros de menores, escolas infantís e outros centros da provincia da Coruña realizaron unha xornada de loita o luns que concluíu cun peche que rematou hoxe á mañá. Imaxe da CIG.
Arxentina sanciona a Telefónica con 32 millóns de euros logo dunha avaría no pasado mes de abril que afectou a 16 millóns de usuarios de teléfonos móbiles.
Deportes. A galega Vanessa Veiga correrá a maratón dos Xogos Olímpicos de Londres tras ser elixida pola selección española. Outra galega, Alessandra Aguilar, terá que agardar a que remate a súa sanción para ser seleccionada.
O BNG denuncia que a Mesa do Congreso vén de "censurar" parte das preguntas presentadas por Francisco Jorquera sobre a viaxe do rei a Botsuana
O rescate de Bankia podería esgotar os recursos públicos de 10.000 millóns do FROB.
O pleno do Senado rexeita unha iniciativa de UPyD para retirar o servizo de tradución simultéana e, polo tanto, o uso das linguas cooficiais nas sesións nas que poden ser empregadas. En La Información.
Mañá a axenda oficial do presidente da Xunta inclúe un encontro co presidente da Deputación de Ourense, Manuel Baltar.
Morre aos 83 anos Maurice Sendak, autor de Onde viven os monstros, entre outras obras.
A Real Academia Galega pide á Xunta que tome en serio o seu financiamento e advirte que coa súa partida orzamentaria non poderán abrir o arquivo, a biblioteca nin o museo. Ademais, o presidente da entidade, Méndez Ferrín, tamén cualificou de "ofensa" que as academias vascas e cataláns reciban máis subvención que a galega.
A UE considera ilegais as subvencións outorgadas nos últimos anos pola Generalitat Valenciana aos estudios cinematográficos da Cidade da Luz de Alacante. Obriga ao complexo a devolver 256 millóns de euros á administración.