Na asemblea nacional de CCOO Galicia, Toxo rexeita que o resultado electoral galego se entenda como un plebiscito que ratifique os recortes: "plebiscito son os seis millóns de desempregados ou o 53% de paro xuvenil"
Fálase
-
Sánchez Aguión abre a asemblea nacional de CC.OO. en Galicia entre berros de 'folga xeral' e aplausos ás mencións a AGE
Xuíces e fiscais ameazan con colapsar os desafiuzamentos bancarios. Responden así á intención de Gallardón de retirar 1.300 xuíces substitutos desde esta semana.
Córtanlles a luz a varias consellerías da Comunitat Valenciana por falta de pagamento. Cóntao El Diario.
Stop Desahucios concéntrase ante o BBVA de Conxo contra o desafiuzamento dun veciño de Compostela. O colectivo reclama solución ao drama social que supoñen os embargos hipotecarios. Imaxe de @rb_roi
Pais e nais de alumnado dunha escola de Valença do Minho "ameazan" con matricular os seus fillos e fillas en Tui polo peche parcial dunha escola da localidade. Cóntao o Diário de Notícias
As concelleiras do BNG en Ourense Isabel Pérez -ata agora voceira municipal- e Marta Arribas deixan as súas actas. As dimisións prodúcense despois de que a asemblea local dos nacionalistas decidise non reeditar un bipartito co PSdeG na cidade.
Pais, sindicatos e alumnos abandonan o pleno do Consello Escolar do Estado como rexeitamento á reforma educativa do ministro Wert.
A BBC Radio emite a serie A invención de España, na que repasa as orixes históricas do actual Estado español e cuestiona a "mitoloxía" segundo a cal existe como "nación" dende hai 500 anos. "Catalunya, Castilla, Galicia e os vascos, considérase que moitos dos problemas de España veñen da pretensión de que é un país", explica a canle británica.
Vilaweb amosa as "fotografías apocalípticas (e falsas)" do paso do furacán Sandy por Nova York
