O Celta lidera a Liga tras a súa vitoria (1-2) no campo do Levante. O equipo vigués sufriu malia xogar cun home máis desde o minuto 4. O sábado, o Deportivo empatou na casa ante a Real Sociedad (0-0) e en Segunda, o Lugo arrincou un punto en Oviedo (2-2).
Fálase
O Celta lidera a Liga tras a súa vitoria (1-2) no campo do Levante. O equipo vigués sufriu malia xogar cun home máis desde o minuto 4. O sábado, o Deportivo empatou na casa ante a Real Sociedad (0-0) e en Segunda, o Lugo arrincou un punto en Oviedo (2-2).
As fins de semana de agosto Praza.gal non se actualiza por descanso do persoal. Lémonos o luns!
A Editorial La Capital despide dúas traballadoras do Diario de Ferrol. O persoal subliña que os despedimentos se producen mentres a empresa "debe dúas nóminas e media extra de 2013". O comité de empresa decidirá o vindeiro luns en "asembleas urxentes" as accións que vai desenvolver. O persoal deste grupo de comunicación sufriu tres ERE nos últimos tres anos.
O sector lácteo mobilízase por segundo día consecutivo noutra masiva tractorada, desta volta en Ordes. A vindeira semana os gandeiros volverán esixir prezos xustos para o leite nas rúas de Sarria e Curtis.
Stop Desafiuzamentos Compostela lamenta que o voceiro do PP local "insulte" as familias afectadas polos desaloxos ao comparalas coas organizacións antiabortistas que deixarán de percibir axudas do Concello. "As vivendas municipais deben estar ao servizo das máis pobres" e non a quen "agrede o dereito das mulleres a decidiren", din nun comunicado.
O impulsor da querela arxentina contra o franquismo, o galego Darío Rivas, é recibido no Concello de Lugo. Tras recibir unha homenaxe en Portomarín, o fillo do alcalde de Castro de Rei asasinado polos franquistas foi homenaxeado pola alcaldesa lucense, Lara Méndez, pola súa "dignidade" ao "restituír a dignidade das vítimas".
A Plataforma de Esquerda abandona Syriza e presentarase ás eleccións cunha candidatura de seu. O novo partido chamarase Unidade Popular.
Os homes homosexuais poden comezar a doar sangue en Portugal, aínda que as autoridades sanitarias manteñen un período de suspensión "de seis ou 12 meses após o último contacto sexual ou de seis meses após um novo parceiro sexual". Cóntao o xornal Público.
O sector lácteo galego continúa as súas mobilizacións contra os baixos prezos do leite. Este venres está convocada unha nova tractorada en Ordes.