Artur Mas anuncia que na primeira sesión do Parlamento catalán despois do 25N proporá unha declaración sobre o dereito a decidir. Pero engade que esta declaración non incluirá unha data concreta para a celebración dun referendo de autodeterminación.
Fálase
O Goberno convoca unha reunión urxente sobre os desafiuzamentos tras o suicidio dunha muller en Barakaldo. Participarán representantes dos ministerios de Vicepresidencia e Economía para ultimar de maneira inmediata unha proposta de periodos de carencia.
Alertan de que están a piques de botar abaixo o Centro Social Ocupado A Casa do Vento en Compostela. Un grupo de escavadoras xa está no lugar.
Vén de activarse a web Alma da artesanía. 9 historias de 9 artesáns da mariña lucense. Nuns minutos comezará a rolda de prensa virtual que se celebrará a través de twitter na conta @almadaartesania co hashtag #almadaartesania
Novo suicidio a causa dun desafiuzamento. Unha muller guindouse dun segundo piso en Barakaldo cando a ían botar da súa casa. Cóntao a ETB.
Artur Mas inicia a campaña do 25N pedindo unha "maioría excepcional" para "vender o produto Catalunya no mundo". En Ara.
Obama estaría moi preto da derrota electoral se os EUA tivesen o sistema electoral español. A marxe dos demócratas sería tamén moi pequena se se aplicase o principio de "un home, un voto", como explica La Información.
Iberia despedirá 4.500 traballadores e reducirá a súa frota en 25 avións. Tamén baixará o salario dos seus traballadores, tal e como conta Cinco Días.
Isaac Rosa escribe en El Diario a súa visión da folga xeral da semana que vén: "quen máis motivos ten para facer folga o 14-N son precisamente quen máis difícil teñen participar. E por paradoxal que pareza, non poder facer folga é o mellor motivo para facela"
As portadas da prensa impresa coruñesa están dominadas pola imaxe de Augusto César Lendoiro, despois da rolda de prensa que onte ofreceu para explicar a situación económica do Deportivo. La Voz titula que "Lendoiro mete al Deportivo en preconcurso y admite que no tiene ingresos" e La Opinión "El Dépor tiene 4 meses para llegar a un acurdo con sus acreedores".
