Un Jordi Pujol desafiante preséntase ante o Parlament como unha vítima e nega que os cartos que a súa familia mantiña ocultos no estranxeiro tivesen como orixe a corrupción ou o cobro de comisión por parte dos seus gobernos. Os deputados das CUP abandonaron a comisión ante a negativa de Pujol a contestar claramente ás preguntas dos grupos parlamentarios.
O Goberno obvia as dúbidas sobre a recuperación cuns orzamentos propios de ano electoral. Prevé un crecemento da economía do 2% o vindeiro ano e afasta as opcións dunha terceira crise nos países do euro.
Os XVI Encontros para a Normalización rematan apelando "a un novo marco discursivo para o galego". No Consello da Cultura Galega presentouse tamén a ferramenta en liña Kit para a normalización en rede
Jordi Pujol comparece nestes momentos no Parlamento catalán para dar explicacións sobre as irregularidades económicas da súa familia tras 34 anos de desvío de fondos a contas en Andorra
A CIG entrega nos xulgados a documentación sobre a muller de Méndez que demostraría que mercou pisos a baixo prezo á Corporación Caixa Galicia antes da fusión das caixas. Piden que "se abra procedemento".
Abren xuízo oral contra o pai, a tía e a avoa da raíña Letizia Ortiz. Están acusados de delitos de insolvencia punible.
A Marea Vermella da ciencia volve saír á rúa contra os recortes. Ao redor de vinte colectivos manifestaranse este venres en Madrid, coincidindo coa Noite dos Investigadores, para defender un modelo de ciencia pública, cunhas condicións laborais dignas e cuxos resultados estean ao servizo da sociedade e non de intereses corporativos
A Plataforma Cidadá en Defensa do Castelo de Monterrei entregará este venres en Ourense ao redor de dez mil sinaturas en apoio a un uso público e cultural da fortaleza, e rexeitando o proxecto de construción dun hotel de luxo.
A Marea Atlántica supera o obxectivo das 2.500 sinaturas e seguirá adiante no seu proceso de confluencia de cara a unha candidatura unitaria cidadá para as municipais de 2015. Máis información, hoxe en Praza.
O PSOE medita agora apoiar a Juncker e Cañete e non descarta votar a prol da nova Comisión Europea, segundo adianta El Mundo.