Podemos sería a primeira forza política no Congreso e Pablo Iglesias é o preferido pola poboación do Estado para ser presidente do Goberno central, seguido polo socialista Pedro Sánchez. Son os resultados do Observatorio que vén de publicar a Cadena SER. Ás 12 desta mañá Praza publica unha nova edición d'O Mirante, o panorama electoral da Asociación de Medios en Galego.
O TSJC ve indicios de desobediencia en Mas por non acatar a suspensión do 9N. O alto tribunal razona a decisión tomada o pasado decembro de admitir a trámite as querelas e denuncias pola consulta.
O humorista Facu Díaz informa de que vén de ser imputado pola Audiencia Nacional por mor dun vídeo satírico no que, dentro do espazo La Tuerka, parodiaba unha suposta disolución do PP.
Catro anos de cadea para Alfon, mozo ao que a Audiencia Provincial de Madrid acusa de portar explosivos na folga do 14N, algo que nega e que atribúe a unha montaxe policial.
A Plataforma de Vítimas Alvia 04155 logra o financiamento que procuraba para editar un documental e un libro sobre o accidente de Angrois e as responsabilidades que del se derivan.
GCiencia entrevista o investigador Iago Santos Castroviejo, que vén de publicar coa Universidade de Vigo o libro Élites del poder económico en España, no que destaca que “Media ducia de equipos directivos controlan o poder económico en España”
O satírico El mundo today denuncia que Facebook eliminou a ligazón ao artigo co que a publicación respondeu ao atentado contra Charlie Hebdo baixo o título Alá es la polla
Diversos xornais de todo o mundo levan este xoves ás súas primeiras páxinas a solidariedade coas vítimas de 'Charlie Hebdo' e a defensa da liberdade de expresión
Meteogalicia activa unha alerta de nivel amarelo na costa galega por ondas de ata 5 metros.
Le Monde, The Guardian, Süddeutsche Zeitung, La Stampa, Gazeta Wyborcza e El País publican un editorial conxunto na defensa da liberdade de expresión tras o atentado contra Charlie Hebdo. Titúlana Seguiremos publicando