#Diada2014 TV3 ofrece ao vivo a mobilización convocada pola Assemblea Nacional Catalana a prol do dereito de autodeterminación. Pódese seguir nesta ligazón
Fálase
#Diada2014 Miles de cataláns enchen xa as rúas de Barcelona a unha hora de que comece a manifestación a prol da consulta do 9-N.
Rajoy defende a solidariedade en España porque "un catalán pode vivir co corazón dun andaluz ou un galego grazas á solidariedade dun madrileño". O presidente do Goberno defende a unidade do Estado destacando o bo facer do sistema de transplantes.
#Diada2014 Unha marcha ultradereitista fracasa en Barcelona ante a contramanifestación de 200 antifascistas. Tan só 40 persoas secundaron a concentración de Alianza Nacional.
A Marea de Vigo preséntase hoxe á cidadanía na praza do Pobo Galego a partir das 20 horas nun acto aberto no que tamén se lerá o manifesto fundacional.
#Diada2014 O BNG participa na ofrenda a Rafael Casanova xunto a ERC
Un mail falso insta as persoas voluntarias a non acudir á manifestación da Diada Nacional de Catalunya. O texto, con erros en catalán, foi atribuído á Assemblea Nacional Catalana e apelaba a motivos de seguridade. Recólleo El Diario
A Audiencia da Coruña ratifica a condena á antiga Novagalicia Banco a devolverlle 549.000 euros a un preferentista. A condena, que xa fora ditaminada por un xulgado coruñés en maio, fora recorrida polo banco e é a de maior importe de todo o Estado nun caso de preferentes.
Íñigo Sáenz de Ugarte e Belén Carreño analizan a nova Comisión Europea, na que priman os partidarios das políticas da austeridade. El Diario debulla tamén a perda de peso do Estado Español no Executivo da UE.
Negreira ratifica o nomeamento dunha imputada na Pokémon como xefa de persoal do Concello da Coruña. Consolídaa así no consistorio como funcionaria un día antes de que o Congreso mude a lei. Cóntao Faro de Vigo.