ÚLTIMA HORA | Xosé Hermida, galardoado co Premio José Couso de Liberdade de Prensa, organizado polo Colexio de Xornalistas de Galicia e o Club de Prensa de Ferrol. O xornalista galego de El País faise coa 13º edición deste premio que recoñece o labor profesional no xornalismo. Máis información, hoxe en Praza.
ETA facilita a ubicación de oito depósitos de armas. Os verificadores internacionais confirman a entrega da localización dos zulos, onde hai subfusís, armas curtas e explosivos, segundo adiantou Le Monde.
Francia poderá encausar a firma que revisou o Prestige e que España demandou nos EUA. O Tribunal de Apelación nega a ABS a inmunidade soberana.
Compañeiros e familiares de José Couso volven concentrarse ante a Embaixada dos EUA no 14º aniversario do seu asasinato en Iraq.
Yolanda Díaz cre que En Marea deu "un paso atrás" coa elección da súa coordinadora e coincide nas críticas con Xulio Ferreiro, Martiño Noriega ou Antón Sánchez. "Excluíndo, dividimos", dixo a deputada.
Dous mortos logo de que un camión atropelase unha multitude en Estocolmo. O vehículo levou por diante ducias de persoas e o primeiro ministro sueco di que o país "foi atacado" e que todo apunta a un "ataque terrorista".
Mouriño anuncia a marcha "irreversible" do Celta da cidade de Vigo e que construirá un estadio fóra do concello. O presidente do club carga con dureza contra Caballero e rexeita a concesión que lle ofreceu.
O fiscal de Angrois defende agora a imputación do ex-xefe de Seguridade de Adif, Andrés Cortabitarte, segundo vén de informar Europa Press na súa web. Antonio Roma considera agora necesario aclarar a relevancia penal da ausencia dunha análise de riscos e súmase aos argumentos de xuíz, vítimas e avogado do maquinista fronte aos recursos de Cortabitarte e Adif, que agora deberá resolver a Audiencia Provincial da Coruña. Esta semana Cortabitarte negouse a declarar á espera desa resolución.
Representantes de sete concellos afectados polo deterioro do servizo do FEVE, de Ferrol a Viveiro desprazáronse este venres pola mañá ata a Consellería de Infraestruturas coa intención de reunirse coa conselleira Ethel Vázquez, despois de que nas últimas semanas esta rexeitara responder ás súas solicitudes para manter un encontro. Os rexedores foron recibidos polo xefe de gabinete da Consellería, ao que transmitiron o seu "fondo malestar".
'A fala', de Manuel María, rapeada por Marcelo e Dalvin. A Casa Museo do autor chairego difunde o rap de dous rapaces versionando o coñecido poema do escritor.