O Goberno central publicará mañá o borrador do estatuto electrointensivo que reclama o persoal de Alcoa para salvar as plantas, segundo conta Radio Coruña. Así llelo tería asegurado a ministra Reyes Maroto aos traballadores na comisión de seguemento. Pedro Sánchez deu onte por "garantido" o futuro das factorías da Coruña e Avilés.
Fálase
O alcalde de Rábade anuncia a impugnación do censo electoral da localidade para as municipais. O municipio lucense foi un dos sinalados pola Oficina do Censo Electoral por un incremento "sospeitoso" no número de potenciais votantes para as xerais. No caso do 28A o partido do rexedor non pode impugnar o censo porque non concorre aos comicios, pero confirma que o Concello fixo as xestións correspondentes.
O comisario e xefe dos Tedax no 11-M asegura no décimo quinto aniversario dos atentados islamitas que o Goberno de Aznar lle pediu "que asumise a súa mentira" sobre os ataques. Afírmao nunha entrevista en El País. Na imaxe, monumento ás vítimas na contorna da estación madrileña de Atocha, un dos albos dos atentados
Un home mata a súa muller en Valga cun disparo de escopeta e logo suicídase. O pasado venres, unha veciña de Sober foi asasinada tamén polo seu marido.
O Celta cae de novo en Balaídos (0-1) ante o Betis e non dá escapados dos postos de perigo na Primeira División. A estrea de Fran Escribá no banco celeste tampouco trouxo unha vitoria.
Ed Sheeran compra o histórico bar 'Galicia' de Londres, emblemático local galego en Portobello Road, segundo informa o Daily Mail. O cantante e guitarrista quere converter o local nun espazo musical.
A Real Academia Galega homenaxeará a Salvador García–Bodaño o Día da Poesía. A institución celebrará o 21 de marzo un recital público no que voces das letras galegas de distintas idades lerán e comentarán poemas do autor. Fotografía: Santos Díez (CC-BY-SA)
A CEOE cre que os "trazos psicolóxicos e habilidades non cognitivas" das mulleres son o que explica a fenda salarial. Así o di a patronal nun informe presentado este venres no que afirma que entre o sexo masculino e feminino hai "diferenzas na propensión a asumir riscos e a negociar"
O Consello de Ministros aproba a recuperación do subsidio para persoas desempregadas maiores de 52. Así o vén de anunciar a ministra de Traballo tras a xuntanza semanal do Goberno central.
ERC presentará a Oriol Junqueras como cabeza de lista ao Congreso nas eleccións xerais. O líder encarcerada manterase tamén como candidato nas europeas na coalición na que se integra o BNG.