O presidente de ADIF, Gonzalo Ferre, declárase "sorprendido" por que o PSOE lle pregunte polo avance das obras do AVE en Ourense. "Hay grupos que son como más locales pero usted que representa al PSOE me sorprende que pregunte por Ourense", espetoulle á deputada Laura Seara, que ve na reacción do alto cargo unha mostra de "absoluto centralismo antidemocrático e antiparlamentario".
Fálase
Alemaña rexeita a proposta de Grecia de ampliar o rescate e exixe máis concesións. Berlín di que non ofrece unha "solución substancial" ao problema e sitúa Grecia ao borde da expulsión do euro.
A ministra de Fomento declina acompañar o Concello de Pontevedra na recollida do premio da ONU que recoñece a cidade como un modelo de accesibilidade e boas prácticas urbanísticas, e que se entrega en Dubai a finais de mes. Ana Pastor vén de confirmarlle a negativa por carta ao alcalde, Miguel Anxo Fernández Lores.
A provincia de Lugo sufriu esta mañá un tremor de terra de magnitude 2,9 con epicentro no Corgo. O pequeno terremoto produciuse ás 11:18, segundo o IGN.
Decretan a alerta biolóxica no cárcere da Lama por un sobre con po sospeitoso, segundo adianta Faro de Vigo
O Congreso aproba o acordo antiterrorista pactado por PP e PSOE sen lograr novos apoios. Recólleo El Diario
O PP rexeita que a Deputación de Lugo declare a conselleira de Sanidade "persoa non grata" por vetar a atención a infartos 24 horas e atrasar a instalación dos equipos de radioterapia e medicina nuclear no HULA. Dada a inexistencia de unanimidade a reprobación non será votada como declaración institucional, senón como moción que apoiarán PSdeG e BNG.
Feijóo e o presidente de Portugal, Cavaco Silva, asinan esta mañá na sede da RAG un "memorando de entendemento" para que o portugués sexa "lingua de opción e avaliación" no sistema educativo galego. A sinatura chega case un ano despois da aprobación no Parlamento da Lei Paz Andrade
Equo e Libera intégranse tamén na Marea Atlántica. A asemblea de Equo aproba co 82% dos votos diluírse na plataforma cidadá, que xa contaba co apoio de Anova, EU, CxG ou Espazo Ecosocialista e que agarda a decisión de Podemos.
Traballadores acusan Alcoa de provocar perdas para forzar o peche da fábrica coruñesa. Denuncian que boa parte da produción segue almacenada e que a planta perdeu 2 millóns en xaneiro.