O PP rexeita que a Deputación de Lugo declare a conselleira de Sanidade "persoa non grata" por vetar a atención a infartos 24 horas e atrasar a instalación dos equipos de radioterapia e medicina nuclear no HULA. Dada a inexistencia de unanimidade a reprobación non será votada como declaración institucional, senón como moción que apoiarán PSdeG e BNG.
Feijóo e o presidente de Portugal, Cavaco Silva, asinan esta mañá na sede da RAG un "memorando de entendemento" para que o portugués sexa "lingua de opción e avaliación" no sistema educativo galego. A sinatura chega case un ano despois da aprobación no Parlamento da Lei Paz Andrade
Equo e Libera intégranse tamén na Marea Atlántica. A asemblea de Equo aproba co 82% dos votos diluírse na plataforma cidadá, que xa contaba co apoio de Anova, EU, CxG ou Espazo Ecosocialista e que agarda a decisión de Podemos.
Traballadores acusan Alcoa de provocar perdas para forzar o peche da fábrica coruñesa. Denuncian que boa parte da produción segue almacenada e que a planta perdeu 2 millóns en xaneiro.
Juncker admite que a UE "pecou contra a dignidade de Grecia, Irlanda e Portugal". O presidente da Comisión critica agora a actuación da troika, mentres Tsipras asume algúns compromisos ante a forte presión internacional.
Feijóo ofrece a Colombia un pacto semellante ao asinado con Pemex e ve "importantes perspectivas de investimento" na automoción.
O traslado do barco á rotonda de Coia acaba con cargas policiais e disturbios. Caballero impón a súa intención e coloca o Alfageme no barrio vigués malia as protestas veciñais. Toda a información, esta mañá en Praza.
TVE corrixe oficialmente a súa presentadora Mariló Montero tras as queixas da Organización Médica Colexial por proclamar que cheirar un limón axuda a previr o cancro
As Marchas da Dignidade e outros colectivos sociais maniféstanse contra a presenza do rei de España este xoves na Coruña. Convocan unha concentración ás 18.30 horas diante do Museo de Belas Artes, onde tamén se manifestará a CRMH, que lle entregou unha carta ao xefe do Estado exixíndolle a retirada da simboloxía franquista.
O vindeiro martes 24 a Plataforma Víctimas Alvia 04155 entregará no Congreso dos Deputados as 115.000 sinaturas recollidas a través de change.org esixindo a apertura dunha comisión de investigación sobre o accidente