O traslado do barco á rotonda de Coia acaba con cargas policiais e disturbios. Caballero impón a súa intención e coloca o Alfageme no barrio vigués malia as protestas veciñais. Toda a información, esta mañá en Praza.
Fálase
-
TVE corrixe oficialmente a súa presentadora Mariló Montero tras as queixas da Organización Médica Colexial por proclamar que cheirar un limón axuda a previr o cancro
As Marchas da Dignidade e outros colectivos sociais maniféstanse contra a presenza do rei de España este xoves na Coruña. Convocan unha concentración ás 18.30 horas diante do Museo de Belas Artes, onde tamén se manifestará a CRMH, que lle entregou unha carta ao xefe do Estado exixíndolle a retirada da simboloxía franquista.
O vindeiro martes 24 a Plataforma Víctimas Alvia 04155 entregará no Congreso dos Deputados as 115.000 sinaturas recollidas a través de change.org esixindo a apertura dunha comisión de investigación sobre o accidente
A Xustiza perde o expediente polo borrado dos ordenadores de Bárcenas e cita as partes para a súa reconstrución. Cóntao a Cadena SER
Condenado a dez anos de cadea o ladrón do Códice Calixtino. O tribunal condena a Fernández Castiñeiras por furto, robo continuado e branqueo, absolve o fillo e condena a seis meses á muller.
As TIC galegas prevén incrementar os seus cadros de persoal nun 30% no 2015, segundo unha enquisa realizada polo Clúster TIC Galicia entre as súas empresas socias. O 81% das compañías prevén contratar novos traballadores e traballadoras, especialmente para programación, desenvolvemento de apps para móbiles, virtualización, consultores e comerciais TIC.
A campaña de crowdfunding posta en marcha por Ecoar para financiar as xornadas Recuperar soberanía, Desarmar o TTIP chega ao seu ecuador acadando o 44% do seu obxectivo. As xornadas abriranse o vindeiro 26 de marzo en Vigo cunha conferencia de Susa George e continuarán nas semanas seguintes con actos en Compostela, A Coruña e na propia cidade olívica.
Besteiro confirma que non se presentará ás municipais para "centrarse" na política de ámbito galego e no liderado do PSdeG. A información, hoxe en Praza.
Un de cada dous empregos que ofrecen os servizos da Xunta está fóra de Galicia. O Servizo Galego de Emprego ofrece traballo en Dinamarca, Bélxica, Francia, Noruega, Alemaña ou Suecia para médicos, chóferes ou obreiros.