#consellodaxunta Feijóo comeza falando da plataforma loxística do Sergas, un contrato que non ten por que pasar polo Consello. Vaise iniciar a construción da nave en Negreira, onde se almacenarán 45.000 produtos sanitarios. As plataformas sanitarias censúrano por ter xestión privada.
Fálase
O voceiro do BNG no Congreso e candidato á Xunta, Francisco Jorquera, censura o "invento" avalado por Feijóo de introducir o copagamento na prestación farmacéutica e reclama os impostos para rendas altas que o PP rexeitou no debate de política xeral.
O responsable do BNG na Emigración, Vitoriano Oxea, remítelle unha carta á dirección do Bloque anunciando a súa baixa. Atribúea, entre outros motivos, á "actitude" da formación frontista coa militancia de fóra de Galicia. Seguirá a militar en Máis Galiza.
O xuíz Ruz pide un informe sobre a legalidade de varios contratos, por 2 millóns de euros, de Aena da época na que Álvarez-Cascos era ministro de Fomento. Poderían estar ligados á trama Gürtel. Cóntao a Cadena SER.
Onte arderon 400 hectáreas dunha Reserva da Biosfera en catro concellos de Ourense. Cóntao El País.
A plataforma en defensa dos medios públicos, 'Mira por elas', xa está presente no Twitter
O Diario Oficial de Galicia publica hoxe a estrutura do Consello Galego de Relacións Laborais. Atendendo ao anunciado por Feijóo no debate de política xeral mudará dentro de pouco para fusionarse co Consello Económico e Social.
El Punt-Avui replica este venres a portada do ABC de onte
A débeda de Galicia superou os 7.000 millóns de euros. Nos últimos doce meses o Goberno que preside Núñez Feijóo incrementou o seu débito en máis de 800 millóns de euros. Son datos do Banco de España que ampliaremos ao longo da mañá.
Os afectados pola "fraude" das participacións preferentes volveron concentrarse este xoves en Vigo para reclamar unha solución ao seu problema. Baixo o control de varios vehículos policiais, os manifestantes lanzaron ovos contra a sede central de Novagalicia Banco e corearon consignas contra os directivos da entidade e contra Alberto Núñez Feijóo. A imaxe é de Emilio Rodríguez Tris