O Ministerio de Fomento anuncia que vai aumentar as axudas ás empresas xestoras de autoestradas que teñen risco de creba. En El Economista.
Fálase
Junqueras aposta por apoiar a Mas dende fóra do Goberno. Mentres, Homs avisa a ERC de que os recortes en 2013 serán o dobre dos executados este ano.
Jesús López Romalde, novo vicerreitor de Titulacións e Persoal Docente e Investigador da USC. Substitúe a Carmen Fernández Morante, que cesou en desacordo coa xestión do reitor Juan Casares Long. Romalde é catedrático de Microbioloxía.
Un grupo de militantes do PSOE difunden un video no que piden "perdón" polas decisións adoptadas polos socialistas nos últimos anos de Goberno de Zapatero, "por non actuar a tempo, por agachar a cabeza, por permitir a paciencia infinita cos bancos, por non ser valentes, por fallarte"
Uns 50 gandeiros protestan diante do Parlamento con motivo do discurso de investidura de Núñez Feijóo. Piden prezos xustos para o leite durante a xornada de folga de entregas que se está a desenvolver en Galicia. Imaxe de @montseprado.
Unha deputada do PP asegura que algunhas axudas sociais utilízanse "para comprar televisións de plasma ou cousas peores". Así o dixo Pilar Sol, parlamentaria en Valencia.
Remata o discurso de Alberto Núñez Feijóo na primeira xornada do debate de investidura. A información, esta mañá en Praza.
España sufrirá en 2013 o peor da crise, cunha caída do PIB do 1,4% e o paro preto do 27%, segundo as últimas proxeccións da OCDE. A economía estatal non volverá medrar até 2014.
O SLG informa de que a folga de entregas de leite é unánime. "Non se está entregando leite e non hai recollida ningunha", asegura Xabier Gómez Santiso, coordinador dos sectores gandeiros, que destaca que o paro transcorre "con normalidade" e que "se baleiraron" algúns camións pola noite, pero que advirte que os problemas comezarán mañá "cando as granxas non teñan onde gardar o produto".
Un grupo de gandeiros interrompe o discurso de investidura de Feijoo con berros de "Feijóo escoita, os gandeiros estamos en loita", "Mentireiro" e "Feijóo estamos tirando o leite" entre os aplausos das forzas da oposición. Son desaloxados da tribuna e o candidato a presidente continúa a súa intervención.