O exconselleiro Roberto Varela Fariña foi nomeado hoxe embaixador de España na República Oriental do Uruguay. Varela foi conselleiro de Cultura desde a chegada de Feijóo a Monte Pío ata a crise de Goberno posterior á vitoria de Rajoy nas eleccións xerais.
O Goberno prevé que a economía española peche 2012 cunha potente recesión do -1,7%, dúas décimas peor que o estimado polo FMI e sete por riba do que prognosticou o Banco de España. O Executivo asegura que a taxa de paro aumentará ata o 24,3%, o cal implicaría a destrución doutros 600.000 postos de traballo.
O obxectivo de déficit para 2012 será do 5,8%. Así o acaba de anunciar Mariano Rajoy en rolda de prensa en Bruxelas. O máximo mandatario español recoñece que non informou ao resto de primeiros ministros da súa decisión. Merkel e Sarkozy non saben, xa que logo, que a austeridade será un chisco menos agresiva. "Non informei, é unha decisión soberana de España", dixo Rajoy. Europa esixe a España que peche este ano cun déficit do 4,4%.
Conta Onda Cero que Elena Espinosa, máis ca previsible rival de Pachi Vázquez no congreso do PSdeG, estivo esta mañá reunida co alcalde de Vigo, Abel Caballero
A asociación do patrimonio medieval O sorriso de Daniel reclámalle á filla de Franco que devolva dúas figuras talladas polo Mestre Mateo para o Pórtico da Gloria, actualmente en poder da familia do ditador.
A Xunta de Persoal e o Comité de Empresa dos servizos centrais da Xunta veñen de comunicar que están de "loito oficial" con motivo da publicación no DOG da lei de medidas do emprego público. "Entre as medidas para exteriorizar a dor pola perda de dereitos laborais que supón a publicación desta norma están distribuíndo lazos negros entre o persoal funcionario e laboral", informa a CIG.
O Euskobarómetro prevé que o PNV gañaría agora as eleccións vascas e sitúao no borde do empate técnico coa esquerda abertzale. O novo Parlamento de Euskadi estaría configurado por catro forzas: PNV, a esquerda abertzale, PSOE e PP. Consulta o inquérito íntegro.
A ausencia de Rosa Quintana durante dez días, que motivará que Alfonso Rueda asuma a Consellería de Medio Rural e Mar durante ese período, débese a razóns "estritamente persoais", segundo puido confirmar Praza Pública.
O fiscal xeral do Estado ordena investigar un dos trens do 11-M. En RTVE.
Do billón de euros que o Banco Central Europeo (BCE) repartiu ao 1% entre a banca europea para reactivar a economía, tres cuartos dese billón (770.000 millóns de euros) seguen no BCE, en depósitos. Foron 800 os bancos de todo o continente os que acudiron á poxa de liquidez que esta semana repartiu máis de medio billón de euros.
