A CIG confirma que secundará a folga xeral xunto a CCOO e UGT. O seu secretario xeral, Suso Seixo, afírmao na presentación dunha Alianza Social Galega que "terá unha participación activa" no 14N e que nace "con vocación de permanencia".
Fálase
#consellodaxunta Feijóo inicia a derradeira rolda posterior ao Consello antes das eleccións comparando o "balance" de lumes forestais entre a lexislatura do bipartito e a actual. "Tivemos a metade de superficie afectada polos lumes".
Fútbol. Copa do Rei. O Celta xogará ante o Almería e o Deportivo contra o Mallorca nos dezaseisavos de final da competición.
Preséntase en Compostela a Alianza Social Galega, que agrupa os tres principais sindicatos e a máis de 60 colectivos. Máis información, durante esta mañá en Praza.
Persoeiros da cultura dan o seu apoio a Alternativa Galega de Esquerda. Rexina Vega, Alonso Montero, Xosé Lois Vilar e Álvarez Cáccamo amosan en Vigo a súa aposta pública pola coalición de cara ás eleccións do domingo. Imaxe de @rubenperezeu
Queremos Galego anima a converter en trending topic de Twitter este mediodía, entre as 12:00 e as 13:00, o hashtag #OHomeQueOrdenouAMaiorDestruciónDeLibrosEnGalegoDesde1936NonMereceSerReelixidoPresidenteDaXunta
Os traballadores de El País convocan folga os días 25, 26, 27, 28 e 31 de outubro e 2, 6, 7 e 8 de novembro. Ao tempo, o xornal comunícalles por email os despedimentos aos xornalistas afectados. O Comité de empresa difunde un gráfico cos beneficios do xornal nos últimos anos: 851 millóns en 12 anos.
Cinco despachos de abogados únense para demandar á banca polas preferentes. O obxectivo é promover accións individuais pola vía civil, xa que as reclamacións colectivas e penais non están prosperando.
Cultura contra a Mentira concentrouse onte pola tarde en Compostela contra os recortes en cultura realizados polo Partido Popular. Os manifestantes estaban convocados a marchar do Toural á Quintana atados e con bolsas de plástico na cabeza.
Novagalicia nega que vaia liquidar EVO Bank, pero si que o venderá. A entidade galega está disposta a vender unha rede de 120 oficinas e que conta con 640 traballadores.