O PP anuncia visitas de Pablo Casado "esta semana" a Lugo, Ourense, Pontevedra e Vigo. Farao, din, porque Galicia será "un dos territorios" que "mandará unha mensaxe clara e contundente" a Pedro Sánchez sobre a necesidade de eleccións xerais. A visita chega escasos días despois da manifestación contra Sánchez do propio PP con Ciudadanos e Vox en Madrid, á que Feijóo acudiu.
O Consello de Ministros prevé ordenar este venres a exhumación de Franco do Valle de los Caídos e desbota que sexa soterrado na madrileña Catedral da Almudena, como reclaman os herdeiros do ditador. Na imaxe do No-Do, Franco inaugurando o mausoleo en 1959
A presenza de mulleres nos consellos de administración do Ibex 35 cae por primeira vez en catorce anos. É unha información de eldiario.es
Xa está en marcha en Santiago a manifestación unitaria na defensa da sanidade pública. "Co lío que hai aquí, e Feijóo está en Madrid", berran os manifestantes. O máis destacado da mobilización, hoxe en Praza.gal
Falece Luís Carballo, creador do Pelegrín e da revista Galicia Moda. O publicista de Xinzo, que impulsou lemas como "la arruga es bella", morreu aos 80 anos de idade en Panxón (Nigrán).
A esquerda mantería o poder en todas as cidades onde goberna agás Ferrol, segundo unha enquisa de Sondaxe para La Voz de Galicia. O PP podería seguir gobernando Ourense e acceder á alcaldía en Ferrol, pero Marea Atlántica, Compostela Aberta, PSOE e BNG manterían o goberno no resto.
O Celta cae en Getafe (3-1) logo dunha polémica arbitraxe. O club vigués emitiu un duro comunicado contra a actuación do colexiado. "É lamentable que na mellor Liga do mundo un árbitro ofreza o ínfimo nivel que mostrou", di a entidade olívica.
Pedro Sánchez asegura que "nunca" aceptará "o dereito de autodeterminación de Catalunya". O presidente do Goberno central cre que na manifestación deste domingo de PP, Ciudadanos e VOX "verase unha España en branco e negro".
O Paseo dos Soños de Vilalba incorpora este sábado un monumento a Alfonso Blanco, sacerdote impulsor da asociación Xermolos, da Irmandade Manuel María ou do Festival de Pardiñas. Únese á ducia de creadores da Terra Cha que xa contaban cun recoñecemento xunto ao río Magdalena.
A esquerda mantería o poder na Coruña e imporíase amplamente á dereita, segundo unha enquisa que publica La Opinión de A Coruña. O inquérito encargado pola Marea Atlántica avanza o descenso do partido de goberno, pero tamén do PP.
