Medio Rural dá por "controlado" o incendio da Fonsagrada e especifica que atinxe a unhas 26 hectáreas. Este incendio foi revelado o domingo polos bombeiros forestais que traballaban nel e Medio Rural non ofreceu datos ao respecto ata a mañá deste luns, cando especificou que na zona actuaron ata 31 brigadas e 10 helicópteros. Imaxe tomada por bombeiros forestais da Brigada de Marroxo.
Trapero, ex-xefe dos Mossos, puxo a policía catalá "á disposición" das ordes de xuíces e fiscais antes do referendo do 1-O. As cartas que acreditan ese ofrecemento publícaas este luns eldiario.es
Bombeiros forestais con base en Asturias actúan nun incendio forestal na Fonsagrada do que Medio Rural non informou polo momento. Este domingo quedou extinguido tamén outro incendio en Porto do Son que atinxiu a unhas 19 hectáreas e do que a Xunta tampouco informara por iniciativa propia, como confirma a axencia Europa Press na súa web. (Imaxe difundida pola Asociación de Traballadores das BRIF).
Manifestacións no Porto e Lisboa reivindican o dereito á vivenda e claman contra a especulación e os desafiuzamentos que, din, van ligados á proliferación de vivendas turísticas nos centros históricos de ambas cidades. A reivindicación tivo o apoio de asociacións locais e forzas políticas como o Bloco de Esquerda. Recólleo o xornal Público (Imaxe: Esquerda.net).
Veciñanza de Teo organiza este domingo unha cadea humana para rexeitar os plans da empresa Toysal para Casalonga onde, advirten, tras a negativa do Concello e da Xunta á instalación unha planta de tratamento de residuos, a compañía prevé "un vertedoiro encuberto" presentado como restauración da vella canteira. (Imaxe: Plataforma Casalonga Limpa de Residuos)
O dramaturgo e contacontos Cándido Pazó acompaña esta tarde as familias pechadas no IES de Brión para esixiren máis docentes no centro. A folga neste instituto baleirou as aulas nesta última semana, durante a cal as familias subliñan que non obtiveron resposta satisfactoria por parte da Xunta.
O PP ratifica o conselleiro Rey Varela como presidente do partido en Ferrol e candidato á alcaldía. O titular de Política Social multiplicou os seus actos como conselleiro na cidade durante o último ano. (Imaxe: PP Ferrol).
Histórico acordo entre o Vaticano e a China para integrar millóns de persoas na Igrexa tras a ruptura de relacións a mediados do século pasado. Debúllao Jesús Bastante para eldiario.es
Suspendida a tourada que un empresario tiña previsto celebrar nun terreo privado de Sarria. O promotor alega falta de tempo para tramitar o evento, segundo recolle El Progreso.
Os pronunciamentos da Fiscalía e da Universidad Rey Juan Carlos despexan o futuro político de Pablo Casado. Análise en eldiario.es
