O 112 rexistrou dende a medianoite e ata a unha da tarde 266 incidencias polo temporal, coa Coruña, Pontevedra, Vilalba e Ribadavia como concellos máis afectados. As incidencias "máis destacadas" foron caídas de árbores e pólas, valos publicitarios, cables de luz e pedras, sí como anegamentos en rúas, garaxes e vivendas, informa nun comunicado. A maior parte do litoral está hoxe en alerta vermella, tal e como detalla Meteogalicia.
Fálase
O paro rexistrado sobe en 6.164 persoas en Galicia durante o mes de xaneiro, un 3% respecto a decembro, e baixa un 10,31% con relación a hai un ano (-24.369 inscricións). Máis información, esta mañá en Praza.
Galicia sufrirá forte vento, chuvia e grandes ondas neste xoves. A pleamar das 20 horas será o peor momento para a costa, xa que a auga podería subir ao litoral. Cóntao 4gotas.
Os fogares galegos pagarán case 6 millóns máis no recibo de xaneiro polo "tarifazo" eléctrico. A factura será 11,6 euros máis cara de media cá de decembro.
Falece o ex-ministro socialista José Antonio Alonso. O político e xuíz leonés fora ministro de Interior e de Defensa con Rodríguez Zapatero.
Iglesias e Errejón disputarán o control de Podemos logo de non acordar unha lista única. Vicenç Navarro incorpórase á candidatura do secretario xeral mentres a galega Bescansa rexeita repetir na dirección.
Unha carta da cúpula militar sobre o Yak-42 asegura que Trillo era quen autorizaba os voos. Unha misiva dun alto mando do Estado Maior Conxunto da Defenso ao xefe do Estado Maior da Armada revela novos detalles sobre como se contratou o avión accidentado.
Carolina Bescansa anuncia que non continuará na dirección de Podemos. Nunha carta aberta á militancia do partido sinala que dá un "pasó á marxe" e non se integrará en ningunha das listas que concorren tras non ser quen de "desactivar o enfrontamento" e "evitar o choque de trens" na organización.
Ferroatlántica vén de pechar un acordo "definitivo" para vender por 153 millóns de euros as seis centrais hidroeléctricas que explota en Cee e Dumbría, a pesar de que esa operación está expresamente prohibida polas concesións administrativas que a Xunta lle concedeu ao grupo Villar Mir e que só poderá levarse a cabo se o Goberno galego lle dá unha autorización que a empresa supostamente nin siquera tramitou.
Un xulgado de Santiago investiga se houbo prevaricación nun concurso de ambulancias do 061 de máis de 120 millóns de euros. Revélao a axencia Europa Press na súa web