Desenvolven un Google Earth do mundo antigo. O proxecto Pelagios 3 foi realizado pola Universidade Aberta e o Instituto Austriaco de Tecnoloxía, a partir de mapas romanos, árabes, cartas medievais europees e chinesas, así como cartas de navegación do século XIII.
Público analiza a forma en que o Ministerio de Emprego endureceu as condicións para cobrar a prestación por desemprego: os parados terán que estar sempre localizados e non poderán saír de España máis de 15 días sen previa autorización.
O PP volve rexeitar que Feijóo compareza no pleno do Parlamento para dar explicacións sobre o "financiamento do PP", como pedía o PSdeG e apoiaban AGE e BNG.
A Fiscalía oponse á detención dos torturadores franquistas reclamados por Arxentina. Asegura que os delitos están prescritos e arquivados pola lei de Amnistía de 1977. Pola contra, o Goberno arxentino abre todos os seus consulados para recoller denuncias contra a ditadura de Franco.
Secuestrado en Siria o xornalista de El Periódico Marc Marginedas. Varios grupos de rebeldes atribúense a súa captura.
A PAH convoca a partir das 11 unha concentración en Vigo, no cruce de Colon con Policarpo Sanz, ante os catro bancos que alí se ubican, para protestar "pola cerrazón, prepotencia e trato inhumano que os bancos estan a dar aos afectados polas hipotecas"
BNG e PSdeG-PSOE levarán este martes ao pleno da Deputación de Lugo a condena ao franquismo. O Bloque presentará unha moción para homenaxear o conxunto dos represaliados da provincia na ditadura. E os socialistas piden tipificar como delicto “a exaltación do franquismo"
A lei Wert permitiralles aos centros privados construir colexios en solo público, segundo unha emenda introducida polo PP no debate parlamentario da norma.
100 directores do CSIC esíxenlle ao Goberno máis cartos para a I+D. Piden recuperar os niveis de financiamento público existentes en 2009 e eliminar os actuais límites da taxa de reposición de emprego público
Un xefe de brigada sofre queimaduras de segundo grao no incendio da Merca