Telemadrid pagaralle 450.000 euros a Telefónica para que realice unha "programación provisional" até que a televisión pública madrileña convoque un concurso público para externalizar o servizo
Fálase
Un grupo de persoas realizou esta mañá un precinto simbólico do Concello de Santiago para pedir a disolución da corporación municipal por mor dos sucesivos casos de corrupción rexistrados. Este domingo ás 12 horas unha manifestación pedirá "unha Compostela transparente e participativa" e a convocatoria de eleccións.
A Xuntanza Antiprohibicionista denuncia que o Concello de Santiago lle esixe o depósito dunha fianza de 1.200 euros para a celebración da tradicional festa de San Kanuto na Alameda da cidade. En resposta, a Xuntanza anula os actos previstos e no seu lugar convoca unha manifestación este sábado ás sete da tarde. Esta denuncia engádese á que esta semana realizou Queremos Galego a quen o Concello lle pide 600 euro por colocar un palco para a manifestación do dia 27
A Plataforma de Afectados pola Hipoteca recibe o Premio Nacional de Derechos Humanos, que entrega a Asociación Pro Derechos Humanos de España
Fernández de Mesa culpa a prensa do caos informativo durante o Prestige e asegura que "non se intentou enganar a ninguén". "Non se transcribía o que eu dicía", quéixase o que fora delegado do Goberno durante o sinistro do petroleiro hai dez anos.
A Xunta informa de que ás 13:30 Feijóo recibirá en San Caetano ao embaixador dos Estados Unidos en España, Alan D. Solomont. Xa se reuniran en 2011.
#consellodaxunta Nava Castro será secretaria xeral de Turismo e correspóndelle pór en marcha a Axencia de Turismo de Galicia. Non recunca, polo tanto, na dirección xeral de Comercio. Ulpiano Villanueva, pola súa banda, vén de ser nomeado director da Axencia Tributaria de Galicia.
#consellodaxunta O Consello aproba o proxecto de Lei de Investigación e Innovación.
Fernández de Mesa comeza a declarar no xuízo do Prestige. Asegura que el dirá "a verdade", pero dubida que "outros fixesen o mesmo" durante a vista que se celebra na Coruña.
O PP di en Twitter que é "rotundamente alleo" a "calquera conta bancaria que non estea reflectida na súa contabilidade ante o Tribunal de Contas". Presuntamente, o seu ex tesoureiro, Luis Bárcenas, ocultou máis de 20 millóns de euros en Suíza.