O Supremo ordena demoler as obras ilegais do edificio Conde de Fenosa na Coruña. O alto tribunal bota atrás así a estratexia do goberno local para derrubar tan só parcialmente o inmoble e ordena restituílo á situación de antes de 1997.
Fálase
O Supremo avala a anulación do concurso eólico do bipartito tras declarar nula a súa suspensión, segundo conta La Voz de Galicia. A Xunta está a pagar varias indemnizacións a empresas que reclaman danos por botar atrás aquel concurso.
O alcalde de Santiago cobra 23.000 euros anuais menos que o seu antecesor, Agustín Hernández, que como líder da oposición percibe case 3.000 euros brutos máis ao ano que o actual rexedor compostelán. Son datos que recolle unha información de La Voz
A Avenida General Sanjurjo da Coruña pasará a chamarse a partir de hoxe Avenida de Oza, en cumprimento do acordo adoptado polo pleno municipal en 2009
A ministra de Fomento en funcións, Ana Pastor, non acudirá este martes á comparecencia no Congreso á que está citada, cumprindo co guión previsto polo PP de negarse ao control parlamentario do Executivo interino.
A Unión Europea comezou onte a deportar os refuxiados e refuxiadas a Turquía. Preto de 150 refuxiados e refuxiadas permanecen acampadas no porto da illa grega de Quíos para protestar contra as deportacións dende que lograron escapar do centro de detención
A oposición islandesa presenta un voto de censura ao primeiro ministro pola súa implicación nos Papeis de Panamá. Milleiros de persoas protestan nas rúas e piden a súa dimisión.
El Diario destaca que os negocios opacos da irmá de Juan Carlos de Borbón discorreron en paralelo co reinado do monarca. Pilar de Borbón púxose á fronte da sociedade en 1974, coincidindo co ascenso ao trono de Juan Carlos I, e a empresa foi clausurada días despois da súa abdicación.
Santander, BBVA e Sabadell facilitaron a creación de sociedades en Panamá para evitar que os seus clientes con diñeiro oculto a Facenda quedaran ao descuberto. El Confidencial publica unha nova entrega dos achados informativos ao fío da filtración dos Papeis de Panamá. Facenda e a Audiencia Nacional din que están a analizar "en profundidade" a documentación
As candidatas e candidato a liderar Podemos Galicia debaten na TVG a partir das 18:30. Será no programa Área Pública, que se pode seguir dende esta ligazón.
