A Plataforma Galega polo Dereito ao Aborto concéntrase mañá en varias cidades galegas para celebrar a retirada do ante proxecto de Gallardón, reclamar os dereitos sexuais e reprodutivos e pedir a retirada do recurso constitucional á norma vixente no Constitucional. As manifestacións serán en Compostela, na Coruña, Vigo, Ourense e Lugo.
Pachi Vázquez pugnará por ser o candidato do PSdeG á alcaldía de Ourense. Veno de anunciar nun acto, no que asegurou que se presentará ás primarias.
España ocultou a Europa a súa decisión de impoñer a taxa Google. A Comisión podería paralizar agora a lei estatal.
Atraca en Vigo o cruceiro máis grande do mundo. Oasis of the Seas botou o áncora no porto vigués ás sete desta mañá.
O Celta vence en Elche (0-1) cun gol de Nolito nos últimos minutos e mantén a súa boa xeira tras un partido igualado.
Un Jordi Pujol desafiante preséntase ante o Parlament como unha vítima e nega que os cartos que a súa familia mantiña ocultos no estranxeiro tivesen como orixe a corrupción ou o cobro de comisión por parte dos seus gobernos. Os deputados das CUP abandonaron a comisión ante a negativa de Pujol a contestar claramente ás preguntas dos grupos parlamentarios.
O Goberno obvia as dúbidas sobre a recuperación cuns orzamentos propios de ano electoral. Prevé un crecemento da economía do 2% o vindeiro ano e afasta as opcións dunha terceira crise nos países do euro.
Os XVI Encontros para a Normalización rematan apelando "a un novo marco discursivo para o galego". No Consello da Cultura Galega presentouse tamén a ferramenta en liña Kit para a normalización en rede
Jordi Pujol comparece nestes momentos no Parlamento catalán para dar explicacións sobre as irregularidades económicas da súa familia tras 34 anos de desvío de fondos a contas en Andorra
A CIG entrega nos xulgados a documentación sobre a muller de Méndez que demostraría que mercou pisos a baixo prezo á Corporación Caixa Galicia antes da fusión das caixas. Piden que "se abra procedemento".