Un voo de Ryanair entre Santiago e Palma de Mallorca estivo o 2 de outubro en risco de colisión con outro da mesma compañía entre Sevilla e Toulouse ao seu paso por Navarra. Así o acredita a investigación do incidente, que recollen a axencia Europa Press e eldiario.es
A Axencia Europea do Medio Ambiente estima en 400.000 as mortes prematuras anuais por mor da contaminación do aire no continente, segundo o informe sobre a calidade do aire que vén de publicar e que resume eldiario.es
A neve marcou a fin de semana nas montañas lucenses e, en menor medida, tamén no leste da provincia de Ourense e algunhas comarcas do centro do país. Para este luns Meteogalicia aínda prevé algunhas nevaradas, pero menos intensas.
Veñen de pechar as urnas en Brasil. Os primeiros datos apuntan a unha clara vitoria do ultradereitista Bolsonaro, que acadaría case o 56% dos votos, fronte ao 44% de Haddad. Nesta reportaxe analízanse algunhas das claves do seu éxito
O Valle de los Caídos provocou case 11 millóns de euros de perdas ao Patrimonio Nacional en dez anos. O Estado corre con todos os gastos do recinto, incluídos comida, teléfono e excursións dos monxes
Medio cento de incidencias durante a madrugada en Galicia por neve, xeo e caída de árbores. O Corgo, Pedrafita, A Fonsagrada, Meira, Becerreá, Baralla ou Lalín rexistraron os maiores problemas.
A primeira edición de Galician Freaky Film Festival rematou este sábado, despois de tres xornadas nas que se puideron ver 40 curtametraxes galegas. As gañadoras, elixidas mediante o método do aplausómetro, foron Coplillas por Bombay de Jaume Miranda como a mellor curta de humor, 9 Pasos de Marisa Crespo e Moisés Romera como a mellor curta de arrepío e O neno do hórreo de Diego López Curros como a curta máis friki.
Brasil celebra este domingo as súas eleccións presidenciais. O ultradereitista Jair Bolsonaro chega a esta segunda volta cunha ampla vantaxe sobre o petista Haddad, segundo as sondaxes, aínda que o candidato esquerdista recurtou un pouco a diferenza nos últimos días. Noam Chomsky, Naomi Klein, Ada Colau e outras ducia de activistas e intelectuais asinan un artigo no que advirten de que Bolsonaro "é unha ameaza para o mundo", non só para a democracia brasileira.
O Breogán derrota ao Obradoiro (69-56) no derbi galego da ACB, o primeiro na máxima categoría en 17 anos. Os dous equipos suman dúas vitorias e catro derrotas
O Celta derrota con autoridade ao Eibar (4-0), con tres goles de Iago Aspas, que se sitúa como pichichi da Liga, con 8 tantos. Os celestes levaban seis partidos sen gañar.
