Pedro Sánchez proporá ante os seus baróns un "non rotundo" a Rajoy, pero iniciará unha rolda de consultas antes do Comité Federal do PSOE deste sábado.
![](https://praza.gal/media/cache/live_image/xornal/uploads/falase/foto/577b4fd380082-577aa8931ac21.r_1467656347093.0-51-800-463.jpg)
Pedro Sánchez proporá ante os seus baróns un "non rotundo" a Rajoy, pero iniciará unha rolda de consultas antes do Comité Federal do PSOE deste sábado.
Feijóo e Marina Castaño coinciden na inauguración polo Rei dunha exposición sobre Cela na Biblioteca Nacional que chegará ao Gaiás en outono. O presidente xustificou que a Xunta non exerza accións contra a viúva por malversación na Fundación Cela, delito que si ven a xuíza e o fiscal.
O pleno da Coruña aproba unha condena do franquismo e a realización dunha homenaxe a persoal do Concello represaliado pola ditadura, así como de actividades sobre memoria histórica cadrando co 80º aniversario do golpe de 1936. A moción do BNG foi aprobada por todos os grupos agás o PP, que se ausentou do pleno previamente porque, acusa, o goberno local "non cumpre as mocións" aprobadas.
O líder do UKIP presenta a súa dimisión. Nigel Farage asegura que a vitoria do Brexit era o seu único obxectivo político.
O paro rexistrado descendeu en 13.144 persoas en Galicia en xuño. Son 21.742 inscricións menos nas oficinas de emprego que hai un ano. As afiliación á Seguridade Social aumentaron en 8.749 nese mes e en 13.998 en termos interanuais.
A asociación profesional de bombeiros forestais de Galicia, Apropiga, critica o dispositivo de prevención e extinción de incendios forestais de Medio Rural polo seu carácter "fragmentado, privatizado, precarizado e desprofesionalizado". Este venres iniciouse a tempada de perigo alto de incendios forestais,
O filme John From, de João Nicolau, gaña a primeira edición do Festival Internacional de Cinema de Pontevedra Novos Cinemas
José Precedo relata en eldiario.es os diferentes sumarios de corrupción nos que está implicado Raúl López, propietario de Monbus e o máis importante empresario do sector en España. Investíganse os seus pagamentos a cargos de Defensa para facerse con adxudicacións de transporte do Exército
A operación saída complícase coas demoras e cancelacións de voos que está a rexistrar Vueling en boa parte das súas rutas, tamén en Galicia. A Generalitat convocou á empresa para pedirlle un “cambio de actitud”.
Sabucedo celebra esta fin de semana a súa Rapa das Bestas, festa de interese turístico internacional.